مسلم کانفرنس تیرہویں ترمیم کی آڑ میں ملک پاکستان کیخلاف پروپیگنڈے سے باز رہے ،ْشوکت علی شاہ

جمعہ 8 جون 2018 16:38

مظفرآباد(اُردو پوائنٹ اخبارتازہ ترین - این این آئی۔ 08 جون2018ء) آزادکشمیر کے وزیر خوراک سید شوکت علی شاہ نے کہا ہے کہ مسلم کانفرنس تیرہویں ترمیم کی آڑ میں ملک پاکستان کے خلاف پروپیگنڈے سے باز رہے ۔ کونسل کے ہونے والے ہر الیکشن میں پیسہ چلا ،سردار عتیق احمد خان کی سوداگری ختم ہو گئی ہے ،اب وہ پریشانی کے عالم میں آزادکشمیرکے عوام کو پاکستانی اداروں کے خلاف دانستہ یا غیر دانستہ طور پر اکسانے سے اجتناب کریں ۔

(جاری ہے)

ان کی چیخ و پکار دیکھ کر یہ یقین ہو گیا ہے کہ مسلم کانفرنس نظریہ الحاق پاکستان پر نہیں بلکہ نظریہ اقتدار کی پچاری ہے ۔ اپنے جاری کردہ ایک میں سید شوکت علی شاہ نے کہا کہ تیرہویںترمیم کے نفاذ سے آزادکشمیر میں ایک نئے دور کا آغاز ہوا ہے ۔اس میں اب کوئی ترمیم نہیں ہوسکتی ماسوائے یہ کہ قانون ساز اسمبلی دو تہائی اکثریت سے نہ کرے ۔ یہ کوئی انتظامی آرڈر یا نوٹیفکیشن نہیں ہے جسے منسوخ کیا جا سکے ۔ آزادکشمیر کی اسمبلی مقبوضہ کشمیر کی بھی نمائندگی کرتی ہے اور اس کے اقدام کو آزادکشمیر اور مقبوضہ کشمیر کے عوام کی مکمل حمایت حاصل ہے ۔