آئندہ چوبیس گھنٹوںملک کے بیشتر علاقوں میں موسم گرم اور خشک رہے گا

بنوں، ڈی آئی خان، ڈی جی خان، ملتان، بہاولپور، ساہیوال، سکھر، لاڑکانہ، شہید بینظیر آباد ، قلات ڈویژن اور کشمیر میں چند مقامات پر تیزہوائوں اور گرج چمک کے ساتھ بارش کا امکان ہے، محکمہ موسمیات

پیر 25 جون 2018 21:55

اسلام آباد ۔ (اُردو پوائنٹ اخبارتازہ ترین - اے پی پی۔ 25 جون2018ء) ملک کے بیشتر علاقوں میں موسم گرم اور خشک رہے گا تاہم بنوں، ڈی آئی خان، ڈی جی خان، ملتان، بہاولپور، ساہیوال، سکھر، لاڑکانہ، شہید بینظیر آباد ، قلات ڈویژن اور کشمیر میں چند مقامات پر تیزہوائوں اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم فیصل آباد، ڈی جی خان، لاہور، مالاکنڈ، ژوب ڈویژن،کشمیر اور گلگت بلتستان میں چند مقامات پر تیزہوائوں اور گرج چمک کے ساتھ بارش ہوئی۔

سب سے زیادہ بارش ٹوبہ ٹیک سنگھ14، جھنگ07، کوٹ ادو05، قصور01، مظفر آباد 10، گڑھی دوپٹہ 06، بالاکوٹ 09، پارا چنار02، بارکھان ایک اور سکردو میں ایک ملی میٹر ریکارڈ کی گئی۔ پیر کو ملک میں زیادہ سے زیادہ درجہ حرارت سبی 49، تربت، نورپور تھل، بھکر، جہلم 45 ڈگری سینٹی گریڈ ریکارڈ کیا گیا۔