سابق امیدواراسمبلی پروفیسر مصدق حسین خان کی وزیراعظم آزادکشمیر راجہ فاروق حیدر خان سے ملاقات

باہمی دلچسپی کے امور پر تبادلہ خیال،آزادکشمیر کی تعمیروترقی اورحلقہ کھاوڑہ کے مسائل پر تفصیلی گفتگو

اتوار 19 اگست 2018 16:30

مظفرآباد(اُردو پوائنٹ اخبارتازہ ترین - آئی این پی۔ 19 اگست2018ء) سابق امیدواراسمبلی حلقہ چارکھاوڑہ وبریڈفورڈ برطانیہ کے جنرل سیکرٹری پروفیسر راجہ مصدق حسین خان ایڈووکیٹ کی وزیراعظم آزادکشمیر راجہ فاروق حیدر خان سے ملاقات،باہمی دلچسپی کے امور پر تبادلہ خیال،آزادکشمیر کی تعمیروترقی اورحلقہ کھاوڑہ کے مسائل پر تفصیلی گفتگو۔آزادکشمیر کی عوام اوربالخصوص حلقہ کھاوڑہ کے عوام کے ساتھ 2016کے الیکشن میں کیے گئے وعدوں پر عملی اقدامات اٹھارہے ہیں۔

(جاری ہے)

کارکنان جماعت کا قیمتی اثاثہ ہیں انہیں کسی صورت بھلایانہیں جاسکتا جس طرح آزادکشمیر کی عوام نے 2016کے الیکشن میں مسلم لیگ ن پر اعتماد کیا انشاء اللہ ان کے اعتماد پر پوراترنے کی بھرپور کوشش کر رہے ہیں۔اس موقع پر سابق امیدواراسمبلی حلقہ کھاوڑہ پروفیسر راجہ مصدق حسین ایڈووکیٹ نے کہا کہ وزیراعظم آزادکشمیر راجہ فاروق حیدر کو ختم نبوت کا بل پاس کرنے،13ویں ترامیم،اسپتالوں کے اندر ایمرجنسی سروس،ایل او سی پر بسنے والے شہریوں کے مسائل کو ترجیح بنیادوں پر حل کرنے پر مبارکباد پیش کی۔