مقبوضہ کشمیر، کشتواڑ میں مٹی کے تودے گرنے سے پانچ افراد ہلاک

پیر 20 اگست 2018 18:00

سرینگر (اُردو پوائنٹ اخبارتازہ ترین - این این آئی۔ 20 اگست2018ء) مقبوضہ کشمیر میں آج جموں خطے میں ضلع کشتواڑ کے پہاڑی علاقے میں مٹی کے تودے گرنے سے کم از کم پانچ افراد ہلاک اور نو زخمی ہوگئے۔

(جاری ہے)

کشمیر میڈیا سروس کے مطابق سینئر سپر انٹنڈنٹ پولیس راجندر کمار گپتا نے صحافیوں کو بتایا کہ یہ واقعہ کشتواڑ پڈر روڈ پرکلی گڑ کے مقام پر اس وقت پیش آیا جب پہاڑی سے بڑی مقدار میں مٹی کے تودے گرآئے جس کی زد میں سڑک پر چلنے والی مسافر گاڑی آئی۔

پانچ افراد موقع پر ہی ہلاک ہوگئے جبکہ دیگر نو افراد کوبچالیاگیا اور ان کو ہسپتال منتقل کیا گیاہے۔ زخمیوں میں کئی کی حالت نازک بتائی جاتی ہے۔ حکام کا کہنا ہے کہ مسافر گاڑی میں ادھمپور سے آئے ہوئے زائرین سوار تھے جو وادی پڈر میں قائم زیارت پر جارہے تھے۔