آئی ایم ایف سے نئے قرض کا ابھی کوئی ارادہ نہیں لیکن 10 اکتوبر تک فیصلہ کر لیں گے،
تیل کی قیمتیں بڑھنا پاکستان کے لیے اچھا نہیں، ملک میں انکم ٹیکس دینے والے 7 لاکھ لوگ ہیں، جو ٹیکس نہیں دے رہا ایف بی آر انہیں پکڑے گا، روپے کو ڈالر کے رحم و کرم پر نہیں چھوڑا جائے گا،امیر طبقے کے استعمال کی چیزوں پر ٹیکس لگایا ہے جس سے 90 فیصد عام اور غریب لوگوں پر کوئی بوجھ نہیں پڑا وفاقی وزیر خزانہ اسد عمرکی نجی ٹی وی چینل کے پروگرام ’’بریکنگ ویوز‘‘ میں گفتگو
جمعہ 28 ستمبر 2018 23:52
(جاری ہے)
انہوں نے کہا کہ مہنگی گاڑیاں مزید مہنگی ہوں گی، پاکستان میں بننے والی گاڑیوں کے اون اور سیفٹی پر بھی کوئی سمجھوتہ نہیں ہو گا۔
انہوں نے مزید کہا کہ کاریں بنانے والی کمپنیوں کی پرائس کنٹرول، اون اور سیفٹی کو بھی آئندہ ای سی سی اجلاس کے ایجنڈے میں شامل کیا جائے گا۔ انہوں نے کہا کہ جاپانی گاڑیوں کی خریدو فروخت کے حوالے سے بھی جلد ایکشن لیں گے۔ ایک سوال کے جواب میں انہوں نے کہا کہ آئی ایم ایف سے نئے قرض کا ابھی کوئی ارادہ نہیں ہے۔ انہوں نے کہا کہ میں نے یہ کبھی نہیں کہا کہ ہم آئی ایم ایف کے پاس جائیں گے اور یہ بھی کبھی نہیں کہا کہ ہم آئی ایم ایف کے پاس نہیں جائیں گے بلکہ یہ کہا کہ ملکی معیشت کے استحکام کے لیے ہم آئی ایم ایف سمیت تمام آپشنز پر غور کریں گے، آئی ایم ایف کے پاس جانا ہے یا نہیں جانا اس بارے میں 10 اکتوبر تک فیصلہ کر لیں گے۔ انہوں نے کہا کہ اس حوالے سے میرا ہدف 30 ستمبر تھا جو اب کچھ دن اوپر چلا جائے گا لیکن ان 8 سے 10 دنوں کے بعد میں اس پوزیشن میں ہوں گا کہ وزیراعظم عمران خان کو بتا سکوں کہ ہم نے کس راستے پہ جانا ہے، جس کے بعد وزیراعظم عمران خان ہی کوئی حتمی فیصلہ کریں گے۔ ایک اور سوال کے جواب میں انہوں نے کہا کہ ہم اپنی جامع معاشی پالیسی کا اعلان 100 دن مکمل ہونے کے بعد کریں گے۔ ایک اور سوال کے جواب میں انہوں نے کہا کہ پاکستانی روپے کو ڈالر کے رحم و کرم پر نہیں چھوڑا جائے گا کیونکہ ہم نے اپنے ایکسپورٹرز اور امپورٹرز کا بیلنس کس طرح رہے گا۔ ایک اور سوال کے جواب میں انہوں نے کہا کہ سعودی عرب میں ہمارا بہت والہانہ استقبال کیاگیا اور ہمیں جس طرح ریسیو کیا گیا اس سے لگتا ہے کہ سعودی عرب دو طرفہ تعلقات میں بہتری چاہتا ہے۔ ایک اور سوال کے جواب میں انہوں نے کہا کہ وزارتوں میں تجربہ چونکہ کم ہے اس لیے ہم مختلف ٹاسک فورسز بنا رہے ہیں جس میں اسپیشلسٹ لوگ شامل ہوتے ہیں تاکہ ملک کو آگے بڑھایا جا سکے۔ جہانگیر ترین کے بارے میں پوچھے گئے سوال کے جواب میں اسد عمر کا کہنا تھا کہ جہانگیر ترین کی اپنی جماعت کے لیے بہت زیادہ خدمات ہیں، حکومت میں نہ ہو تے ہوئے بھی جہانگیر ترین کام کریں گے۔ ایک اور سوال کے جواب میں انہوں نے کہا کہ ہم ملکی ترقی و خوشحالی کے لیے کوشاں ہیں، ماضی کی حکومتوں میں جو ہوا اور جو اب ہو رہا ہے اس میں فرق واضح نظر آئے گا۔ ایک اور سوال کے جواب میں انہوں نے کہا کہ ایف بی آر لوگوں کے لیے سہولت پیدا کرے گا، ایف بی آر اپنی کارروائیاں جاری رکھے ہوئے ہے اور جو ٹیکس نہیں دے رہا ایف بی آر انہیں پکڑے گا اور انہیں اس کی قیمت چکانا پڑے گی۔ ایک اور سوال کے جواب میں انہوں نے کہا کہ ایل این جی ٹرمینل کی سالوں سے بات ہو رہی تھی ، چار بڑی کمپنیوں سے جو توانائی چوری ہو رہی ہے اس کی تحقیقات بھی جلد مکمل ہو جائیں گی۔مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.