ڈیم فنڈ میں کروڑوں روہے گھپلوں کا انکشاف

نجم سیٹھی کا کہنا تھا کہ جب ا س قسم کی فنڈ ریزنگ ہو تو پھر اس طرح کے ہی مسائل درپیش آتے ہیں۔نجم سیٹھی کا مزید کہنا تھا کہ تحریک انصاف کے اوپر الیکشن کمیشن میں سنجیدہ نوعیت کے کیسزچل رہے ہیں کہ امریکہ سے ہونے والی فنڈ ریزنگ کہاں گئی؟۔اس اس متعلق احتساب بھی نہیں ہو رہا اور یہ پیسے پارٹی ہولڈرز کی جیبوں میں چلے جاتے ہیں اور ایسا صرف تحریک انصاف میں نہیں بلکہ ہر جماعت میں ہوتا ہے۔

الیکشن کمیشن کو اس معاملے کو دیکھنا چاہییئے۔نجم سیٹھی نے مزید کہا کہ فیصل واوڈا کی بات اب سمجھ میں آ گئی ہے انہوں نے کہا تھا کہ اگر سب چیک سے پیمنٹ کرتے تو پورے پیسے ڈیم فنڈ کے اکاؤنٹ میں جاتے اور دس کروڑ روپے ادھر ادھر نہ ہوتے۔اب پتہ چل گیا ہے کہ ڈیم فنڈ میں دس کروڑ روپے کا گھپلا ہو گیا ہے۔وزیراعظم عمران خان کو اس کی انکوائری کرنی چاہئیے کیونکہ یہ داغ تو عمران خان پر ہی لگ رہا ہے۔

اور اس معاملے میں تحریک انصاف میں پھوٹ پڑ رہی ہے۔خیال رہے چند روز قبل وزیراعظم عمران خان نے ایک ٹویٹر پیغام میں بتایا تھا کہ ڈیم فنڈ ریزنگ تقریب میں 76 کروڑ روپے جمع ہوئے ہیں۔ لیکن اس کے بعد ڈیم فنڈ اکاؤنٹ میں 66کروڑ روپے جمع کروائے گئے جس پر پاکستان پیپلز پارٹی نے تنقید کی تھی کہ پی ٹی اآئی نے 10کروڑ کی کرپشن کی ہے۔ پاکستان تحریک انصاف کے رہنما اورگورنر سندھ عمران اسماعیل نے پاکستان پیپلز پارٹی کے رہنما کی جانب سے وزیراعظم کی ڈیم فنڈ ریزنگ میں اکٹھے ہونے والے پیسوں میں کرپشن کرنے کے الزام کے پر وضاحت دے دی۔

گورنر سندھ نے کہا کہ فنڈ ریزنگ میں پیسے عطیہ کرنے والوں نے 76 کروڑ روپے عطیہ کرنے کا ہی اعلان کیا تھا لیکن اکثر اعلان کردہ رقم پوری موصول نہیں ہوتی بعض لوگ اعلان کرنے کے بعد پیسے نہیں دیتے اس لیے پورے 76 کروڑ جمع نہیں ہو سکے تھے البتہ جتنے پیسے جمع ہوئے تھے وہ ڈیم فنڈ میں جمع کروا دیے گئے تھا اور گزشتہ روز بھی 1 کروڑکی رقم موصول ہوئی ہے جو ڈیم فنڈ کے اکاؤنٹ میں جمع کروا دی گئی ہے۔