ملک میں آئندہ بارہ گھنٹوں کے دوران کہیں کہیں گرج چمک کے ساتھ بارش کا امکان ہے،محکمہ موسمیات

ہفتہ 18 مئی 2019 11:31

اسلام آباد (اُردو پوائنٹ اخبارتازہ ترین - اے پی پی۔ 18 مئی2019ء) محکمہ موسمیات نے کہا ہے کہ ملک میں آئندہ بارہ گھنٹوں کے دوران کہیں کہیں گرج چمک کے ساتھ بارش کا امکان ہے۔

(جاری ہے)

محکمہ موسمیات کی پیشگوئی کے مطابق آئندہ بارہ گھنٹے کے دوران مالاکنڈ، ہزارہ، مردان، پشاور، کوہاٹ، بنوں، راولپنڈی، قلات، مکران ڈویژنوں، گلگت بلتستان اور کشمیر میں کہیں کہیں آندھی آنے اور گرج چمک کے ساتھ بارش کا امکان ہے۔آج صبح (ہفتہ کو) ریکارڈ کیا گیا بعض اہم شہروں کا کم سے کم درجہ حرارت یہ رہا۔اسلام آباد 18 ڈگری سینٹی گریڈ،لاہور 22 ،پشاور 21 ، کراچی 28 ،کوئٹہ اورمظفرآباد14 ،مری 12 اورگلگت کا درجہ حرارت 15 ڈگری سینٹی گریڈ رہا۔