ملک کے بیشتر علاقوں میں (کل) موسم گرم اور خشک رہنے کا امکان ہے، محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 20 مئی2019ء) ملک کے بیشتر علاقوں میں (کل) منگل کو موسم گرم اور خشک رہے گا تاہم کوئٹہ، قلات، ژوب، سکھر، لاڑکانہ، بہاولپور، ملتان، ڈی جی خان، سرگودہا، فیصل آباد، ساہیوال، ڈی آئی خان ڈویژن میں چند مقامات پر آندھی اور گرج چمک کے ساتھ بارش کا امکان ہے۔ محکمہ موسمیات کے مطابق گزشتہ 24 گھنٹوں کے دوران خیبرپختونخوا، راولپنڈی، گوجرانوالہ، سرگودہا، قلات، ژوب ڈویژن، اسلام آباد، کشمیر اور گلگت بلتستان میں کہیں کہیں آندھی اور گرج چمک کے ساتھ بارش ہوئی۔

(جاری ہے)

سب سے زیادہ بارش پشاور (ایئرپورٹ51، سٹی02)، چراٹ، ڈی آئی خان17، بالاکوٹ07، کالام، کاکول05، چترال04، دیر (زیریں04، بالائی03)، میرکھانی، بنوں02، سیدوشریف، مالم جبہ01، چلاس33، بگروٹ07، گلگت05، بونجی04، استور02، جوہرآباد17، سرگودہا11، مری07، چکوال06، اسلام آباد (ایئرپورٹ، زیروپوائنٹ05، بوکرہ04، سیدپور03، گولڑہ01)، منڈی بہائوالدین، نورپورتھل03، حافظ آباد02، گجرات، راولپنڈی01، راولاکوٹ، گڑھی دوپٹہ08، مظفرآباد06، کوٹلی 03، ژوب 05 اور قلات میں 2 ملی میٹر بارش ریکارڈ کی گئی۔ پیر کو ملک میں زیادہ سے زیادہ درجہ حرارت جیکب آباد 43، دادو، بہاولنگر 42، موہنجوداڑو اور سکرنڈ میں 41 ڈگری سینٹی گریڈ ریکارڈ کیا گیا۔