مجھے کسی کے مرنے پہ خوش نہیں ہونا چاہیے لیکن سشما سوراج کی موت پہ میں خوش ہوں: دیوان سچل

سشما سوراج کی آخری ٹویٹ سے پتا چلتا ہے کہ اسے کشمیر میں معصوم مسلمانوں کی فکر نہیں تھی، اس لیے مجھے اس کی موت سے فرق نہیں پڑتا: رہنما تحریکِ انصاف

عثمان خادم کمبوہ بدھ 7 اگست 2019 01:00

مجھے کسی کے مرنے پہ خوش نہیں ہونا چاہیے لیکن سشما سوراج کی موت پہ میں ..

کراچی نئی دہلی (اردوپوائنٹ اخبارتازہ ترین۔06 اگست 2019ء) بھارت کی سابق وزیر خارجہ سشما سوراج انتقال کر گئیں، بی جے پی کی خاتون رہنما کو منگل کے روز دل کا دورہ پڑا جس کے بعد وہ چل بسیں۔ اس حوالے سے پاکستان تحریکِ انصاف کے اقلیتی رہنما اور رکن سندھ اسمبلی دیوان سچل نے خوشی کا اظہار کیا ہے۔ انہوعں نے اپنے ٹویٹر پیغام میں کہا ہے کہ ’’مجھے کسی کے مرنے پہ خوش نہیں ہونا چاہیے لیکن سشما سوراج کی موت پہ میں خوش ہوں، میں اس خوشی کو ختم نہیں کر سکتا، اگر اس نے مجھے غلط سمجھا جائے گا تو ایسے ہی صحیح، سشما سوراج کی آخری ٹویٹ سے پتا چلتا ہے کہ اسے کشمیر میں معصوم مسلمانوں کی فکر نہیں تھی، اس لیے مجھے اس کی موت سے فرق نہیں پڑتا‘‘۔

Yes I should not rejoice at someone's death but in this case of former Indian foreign Minister I cant help but be happy...If that makes me wrong, then so be it.. Her last tweet shows she didnt care for the lives of Innocent Muslims in Kashmir...i DONT CARE ABOUT HER DEATH. https://t.co/Y4Ila0YPOf
— Dewan Sachal (@essel1) August 6, 2019

واضح رہے کہ اچانک موت واقع ہونے سے قبل سشما سوراج کی جانب سے کشمیر تنازعے سے متعلق کیا گیا ٹوئٹ کیا تھا کہ وہ نریندر مودی کی شکر گزار ہیں، انہیں نے اس دن کیلئے اپنی تمام عمر انتظار کیا تھا۔

(جاری ہے)

واضح رہے کہ منگل کے روز بھارت کی نامور سیاستدان اور سابق وزیر خارجہ سشما سوراج کا انتقال ہو گیا۔ بھارتی میڈیا کی جانب سے فراہم کردہ مزید تفصیلات کے مطابق منگل کے روز سوشما سوراج کو دل کا دورہ پڑا، جس کے بعد انہیں فوری ہسپتال لے جایا گیا۔

تاہم ہسپتال پہنچنے تک سوشما سوراج انتقال کر چکی تھیں۔ انتقال کے وقت سوشما سوراج کی عمر 67 برس تھی۔ سوشما سوراج مودی کے گزشتہ دور حکومت میں وزیر خارجہ کے عہدے پر براجمان تھیں اور بھارتی حکومت کی دوسری طاقتور ترین شخصیت تصور کی جاتی تھیں۔ تاہم رواں برس نریندر مودی نے الیکشن جیتنے کے بعد حیران کن طور پر سشما سوراج کو وزارت خارجہ کا قلمدان نہیں سونپا تھا۔ سشما سوراج کافی عرصے سے منظر عام سے غائب تھیں، اور اب ان کا انتقال ہوگیا ہے۔