مظفرگڑھ، ڈکیتی کے دوران قتل ہونے والے آموں کے بیوپاری غلام محمد بلوچ کی نماز جنازہ ادا کردی گئی

جمعرات 31 اکتوبر 2019 15:30

مظفرگڑھ ۔ (اُردو پوائنٹ اخبارتازہ ترین - اے پی پی۔ 31 اکتوبر2019ء) گزشتہ شب تھانہ خان گڑھ کی حدود میں ڈکیتی کی واردات کے دوران قتل ہونے والے آموں کے معروف بیوپاری غلام محمد بلوچ کی نماز جنازہ بستی مہدی شاہ خان گڑھ میں ادا کر دی گئی۔ نماز جنازہ میں سینکڑوں افراد نے شرکت کی۔

(جاری ہے)

گزشتہ شب خان گڑھ تھانہ کی حدود بیٹ کے کچے علاقے میں تین نامعلوم افراد گھات لگا کر بیٹھے تھے۔

جیسے ہی غلام احمد بلوچ جو گزشتہ رات گئے اپنے گھر واپس لوٹ رہے تھے ان کی گاڑی پر اچانک شدید فائرنگ شروع کر دی، سیدھی گولیاں ماریں گیئں جو ان کے سر اور جسم پر لگیں جس سے ان کی گاڑی الٹ گئی اور وہ موقع پر جاں بحق ہو گئے۔ جبکہ تین نا معلوم افراد 125 موٹر سائیکل پر سوار ہو کر موقع سے فرار ہونے میں کامیاب ہوگئے۔ خان گڑھ پولیس نے مقدمہ درج کر لیا ہے۔