ہر وزارت میں مبینہ کرپشن یا بے ضابطگیوں کا انکشاف

لوٹ مار کا ماحول گرم ہے، جو وزارت بھی اٹھا کر دیکھ لیں اس میں اۤڈیٹر جنرل کی رپورٹ کے مطابق دس بارہ ارب کی کرپشن یا بے ضابطگیاں سامنے اۤرہی ہیں؛ اینکرپرسن اسداللہ خان کا دعویٰ

ساجد علی اتوار 12 جولائی 2026 13:06

ہر وزارت میں مبینہ کرپشن یا بے ضابطگیوں کا انکشاف

اسلام آباد (اُردو پوائنٹ اخبارتازہ ترین۔ 12 جولائی 2026ء) اینکر پرسن اسد اللہ خان نے ملک کی موجودہ سیاسی و معاشی صورتحال پر سخت ردعمل کا اظہار کرتے ہوئے انکشاف کیا ہے کہ اس وقت ملک میں لوٹ مار کا ماحول گرم ہے اور سرکاری محکموں میں بڑے پیمانے پر مالی بے ضابطگیاں سامنے آ رہی ہیں۔ اس حوالے سے اپنے ایک ولاگ میں انہوں نے کہا کہ ملک میں لوٹ مار کا ماحول اس حد تک گرم ہو چکا ہے کہ حکومت کی جس وزارت کو بھی اٹھا کر دیکھ لیا جائے، اس میں آڈیٹر جنرل آف پاکستان کی رپورٹ کے مطابق دس سے بارہ ارب روپے کی کرپشن یا سنگین مالی بے ضابطگیاں سامنے آ رہی ہیں، ملکی معیشت کی تباہی کے باوجود سرکاری خزانے پر بوجھ ڈالنے کا سلسلہ تھم نہیں سکا ہے۔

لوٹ مار کا ماحول گرم ہے۔ جو وزارت بھی اٹھا کر دیکھ لیں اس میں اۤڈیٹر جنرل کی رپورٹ کے مطابق دس بارہ ارب کی کرپشن یا بے ضابطگیاں سامنے اۤرہی ہیں۔۔۔پچھلے دنوں یہ بڑے اچھے بن رہے تھے کہ پی ٹی اۤئی والوں نے خیبرپختونخوا میں اپنے لئے مراعات کا قانون بنا لیا اور یہ کیوں سرکاری پاسپورٹ… pic.twitter.com/ynb6tUt7uG
— Kismat Khan (@KismatZimri) July 12, 2026

اینکرپرسن نے یاد دلایا کہ پچھلے دنوں یہی حکمران اتحاد کے لوگ خود کو بہت اچھا اور عوام دوست ثابت کرنے کی کوشش کر رہے تھے، ان کی جانب سے پاکستان تحریکِ انصاف کے رہنماؤں کو اس بات پر شدید تنقید کا نشانہ بنایا جا رہا تھا کہ انہوں نے خیبر پختونخواہ میں اپنے لیے مراعات کا قانون کیوں بنایا اور وہ سرکاری پاسپورٹس کا تقاضا کیوں کر رہے ہیں۔

(جاری ہے)

انہوں نے بتایا کہ پی ٹی آئی پر تنقید کرنے والے اب خود اشرافیہ کو نوازنے میں مصروف ہیں، سینیٹ کی متعلقہ کمیٹی نے ایک متنازعہ بل منظور کر لیا ہے جس کے تحت سابق اراکینِ پارلیمنٹ ایم این ایز اور سینیٹرز، ان کی بیگمات اور بچوں کو تاحیات بلیو پاسپورٹ جاری کیے جائیں گے، ایک طرف عوام مہنگائی کی چکی میں پس رہے ہیں اور دوسری طرف پارلیمنٹیرینز اپنے اور اپنے خاندانوں کے لیے تاحیات وی آئی پی مراعات حاصل کر رہے ہیں، جو ان کے دوہرے معیار کو واضح کرتا ہے۔

Facebook Twitter Google + Share on Whatsapp

ہر وزارت میں مبینہ کرپشن یا بے ضابطگیوں کا انکشاف

متعلقہ عنوان :

مزید اہم خبریں