کرکٹ کے کھیل میں نو بال کا قانون تبدیل کر دیا گیا

اب سے فیلڈ ایمپائز کی بجائے تھرڈ ایمپائر نو بال کا فیصلہ اور اعلان کرے گا

muhammad ali محمد علی اتوار 8 دسمبر 2019 00:41

لاہور (اُردو پوائنٹ اخبارتازہ ترین۔ 07 دسمبر2019ء) کرکٹ کے کھیل میں نو بال کا قانون تبدیل کر دیا گیا، اب سے فیلڈ ایمپائز کی بجائے تھرڈ ایمپائر نو بال کا فیصلہ اور اعلان کرے گا۔ تفصیلات کے آئی سی سی نے کرکٹ میچز کے دوران نوبال کے معاملے پر بڑھتے ہوئے تنازعات کو قابو میں کرنے کا فیصلہ کیا ہے۔ حالیہ کچھ عرصے کے دوران دیکھنے میں آیا ہے کہ بہترین سے بہترین ایمپائر بھی کئی مرتبہ نوبال دینے میں کوتاہی کر جاتے ہیں جس کے اثر میچ کے نتیجے پر پڑتا ہے۔

حال ہی میں پاکستان کے دورہ آسٹریلیا کے دوران یہ بھی انکشاف ہوا تھا کہ ایک میچ کے دوران امپائرز کی طرف سے 21 نوبالز نہیں دی گئیں۔ اسی باعث اب آئی سی سی نے فیصلہ کیا ہے کہ اب سے نو بال کا فیصلہ تھرڈ امپائر کریں گے۔

(جاری ہے)

کرکٹ کی دنیا میں یہ پہلی مرتبہ ہو رہا ہے کہ نو بال کا فیصلہ اب فیلڈ میں کھڑے امپائر کی بجائے تھرڈ امپائر یعنی ٹی وی کیمرہ کرے گا۔

انٹرنیشنل کرکٹ کونسل نے یہ اعلان بھارت اور ویسٹ انڈیز کے درمیان کھیلے جانے والے ٹی 20 کے دوران ہونے والی غلطیوں کو دیکھتے ہوئے کیا ہے۔ آئی سی سی کی جانب سے جاری بیان کے مطابق اس ٹرائل کا آغاز حیدرآباد میں شروع ہونے والے انڈیا اور ویسٹ انڈیز کے درمیان ٹی 20 میچ سے ہو گا۔ آئی سی سی کا کہنا تھا کہ اس ٹرائل کے دوران تھرڈ امپائر کی ذمہ داری ہو گی کہ وہ باؤلر کی ہر گیند پر نظر رکھے اور اگر باؤلر نو بال کرواتا ہے تو تھرڈ امپائر فیلڈ امپائر کو اس بارے میں بتائے گا جو اسے نوبال قرار دے گا۔