جے آئی یوتھ آزاد کشمیر پانچ جنوری کو حق خود ارادیت بارے کشمیر میں جلسے ، جلوس، سیمینار منعقد کریگی

ہفتہ 4 جنوری 2020 17:56

مظفرآباد(اُردو پوائنٹ اخبارتازہ ترین - این این آئی۔ 04 جنوری2020ء) سیکرٹری جنرل جے آئی یوتھ آزاد کشمیر گلگت بلتستان خالد محمود زیدی نے کہا ہے کہ جے آئی یوتھ 5جنوری حق خودارادیت کے حوالے سے آج پورے کشمیر میں جلسے،جلوس،ریلیاں،سیمینار منعقد کرے گی۔کشمیریوں کا بنیادی حق حق خودارادیت دینے کے علاوہ بھارت اور پاکستان کے پاس کوئی آپشن موجود نہیں،رائے شماری کروائے بغیر کشمیری کسی فیصلے کو ماننے کے پابند نہیں،آخری کشمیری جان کی قربانی دے دے گا۔

لیکن غلامی قبول نہیں کرے گا۔

(جاری ہے)

بھارت کشمیریوں پر مظالم کے پہاڑ توڑ رہا ہے،لیکن ہمارے حوصلوں کو پشت نہیں کر سکا۔تحریک آزادی مزید تریزی سے آگے بڑھ رہی ہے،آج مظلوم کشمیریوں کے ساتھ پوری قوم چٹان کی طرح کھڑی ہے،بھارت نوشتہ دیوار پڑھ لے اگر اپنی پالیسیوں کو جاری رکھا تو بھارت کئی ٹکڑوں میں بٹ جائے گا۔آج جے آئی یوتھ کشمیر بھر میں جلسے،جلوس،ریلیاں اور سیمینار منعقد کر کے دنیا کو پیغام دے گی کہ ہم آزادی اور حق خودارادیت سے ایک اینچ پیچھے نہیں ہٹیں گے۔تقسیم کشمیر کے تمام فارمولوں کو جوتے کی نوک پر رکھتے ہیں اور تقسیم کشمیر کی سازش میں ملوث ہے اُس کو نشان عبرت بنائیں گے۔