پاکستان میں ترک سفیر بھی پشاور زلمی کےمداح ،سٹیڈیم میں میچ دیکھنے کا اعلان

پاکستان میں انٹرنیشنل کرکٹ کی بحالی میں پشاور زلمی کا کردار شاندار ہے:مصطفی یرداکل

ذیشان مہتاب بدھ 15 جنوری 2020 16:45

پاکستان میں ترک سفیر بھی پشاور زلمی کےمداح ،سٹیڈیم میں میچ دیکھنے کا ..

اسلام آباد(اردوپوائنٹ تازہ ترین اخبار۔15 جنوری 2020ء ) پاکستان میں ترکی کے سفیر مصطفی یرداکل بھی پاکستان سپر لیگ( پی ایس ایل) کے رنگ میں رنگ گئے اور وہ پشاور زلمی کے فین نکلے ۔تفصیلات کے مطابق پی ایس ایل فائیو سے قبل غیر ملکی سفیر بھی کرکٹ فیور میں مبتلا ہوگئے ، ترکی کے سفیر مصطفی یرداکل کی پشاور زلمی شرٹ میں تصاویر سامنے آگئیں۔

https://t.co/hwVlEkz2E2 pic.twitter.com/9O0sGrAUGe
— 🇹🇷 Mustafa Yurdakul/مصطفی 🌞 (@Mustafa_MFA) January 15, 2020

یادرہے کہ پشاور زلمی کے چیئرمین جاویدآفریدی نے ترکی کے صدر طیب اردغان سے ملاقات کی تھی اور اسی شرٹ نےپشاور زلمی کو ترکی میں شہرت دلائی۔

پشاور زلمی اور پی ایس ایل کے لیے نیک خواہشات کا اظہار کرتے ہوئے مصطفی یرداکل نے کہا کہ پاکستان میں انٹرنیشنل کرکٹ کی بحالی میں پشاور زلمی کا کردار شاندار ہے،انہوں نے یہ بھی کہا کہ پی ایس ایل کے میچز دیکھنے کے لیے سٹیڈیم بھی آئیں گے ۔

(جاری ہے)

یاد رہے کہ رواں سال پاکستان سپر لیگ کے تمام میچز اصل گھر پاکستان میں ہی کروانے کے لیے شیڈول بھی جاری کردیا گیا ہے، کراچی اور لاہور کے ساتھ اس بار راولپنڈی اور ملتان میں بھی کرکٹ کا یہ میلہ سجے گا، 34 میچز ملک کے 4 مختلف وینیوز پر شائقین کی توجہ کا مرکز بنیں گے، افتتاحی تقریب 20فروری کو نیشنل سٹیڈیم ،کراچی میں ہوگی،پہلا میچ دفاعی چیمپئن کوئٹہ گلیڈی ایٹرز اور 2 بار ٹائٹل جیتنے والی اسلام آباد یونائیٹڈ کی ٹیموں کے مابین کھیلا جائے گا،22 مارچ کو فائنل کا لاہور میزبان ہوگا۔