پسند کی شادی کرنے پر خاتون، شوہر اور بیٹی قتل

نامعلوم افراد نے فائرنگ کر کے ایک ہی گھر کے تین افراد کو موت کے گھاٹ اتار دیا

پیر 9 مارچ 2020 20:54

پسند کی شادی کرنے پر خاتون، شوہر اور بیٹی قتل

لاہور (اُردو پوائنٹ اخبارتازہ ترین - آن لائن۔ 09 مارچ2020ء) باغبانپورہ کے علاقہ احمد ٹائون میں تہرے قتل کی واردات کے نتیجے میں نامعلوم افراد نے فائرنگ کرکے ایک ہی گھر کے تین افراد کو موت کے گھاٹ اتار دیا۔ قتل ہونیوالوں میں گھر کا سربراہ وقاص اس کی دوسری اہلیہ رفیہ اور ایک بیٹی شامل ہیں۔ جن کی نعشیں احمد ٹائون کے ایک گھر میں مردہ حالت میں پائی گئیں۔

جبکہ نامعلوم ملزمان نے گھر کے سربراہ وقاص کو سر پر گولیاں مار کر قتل کیا تھا۔

(جاری ہے)

قتل کی واردات کے بعد ملزمان فرار ہونے میں کامیاب ہوگئے جبکہ اطلاع ملتے ہی ایس پی کینٹ سمیت پولیس کی بھاری نفری جائے وقوعہ پر پہنچ گئی۔ جس نے نعشیں قبضے میں لیکر پوسٹ مارٹم کے لئے بھجوادی ہے۔ ایس پی کینٹ کے مطابق تہرے قتل کی واردات غیرت کے نام پر رونما ہوسکتی ہے۔ پولیس کے مطابق مقتول وقاص اور اسکی اہلیہ مقتولہ رضیہ ایک ہی فیکٹری میں کام کرتے تھے۔ جنہوں نے چار سال قبل پسند کی شادی کی۔ ان کے بطن سے قتل ہونیوالی ایک بچی پیدا ہوئی۔ پولیس نے مقدمہ درج کر کے تفتیش شروع کردی ہے۔