Live Updates

پاکستان میں کورونا وائرس کے مریضوں کی تعداد 1022 ہو گئی ہے،

مجموعی طور پر اب تک 21 مریض صحت یاب ہو چکے ہیں اور 8 مریض انتقال کر چکے ہیں وزیراعظم کے معاون خصوصی برائے صحت ڈاکٹر ظفرکی پر یس کانفرنس

بدھ مارچ 23:30

پاکستان میں کورونا وائرس کے مریضوں کی تعداد 1022 ہو گئی ہے،
اسلام آباد ۔ (اُردو پوائنٹ اخبارتازہ ترین - اے پی پی۔ 25 مارچ2020ء) وزیراعظم کے معاون خصوصی برائے صحت ڈاکٹر ظفر نے کہا ہے کہ پاکستان میں کورونا وائرس کے مریضوں کی تعداد 1022 ہو گئی ہے۔ تفصیلات کے مطابق معاون خصوصی برائے صحت ڈاکٹر ظفر مرزا نے پریس کانفرنس کرتے ہوئے کہا کہ پاکستان میں کورونا وائرس کے مریضوں کی تعداد 1022 ہو گئی ہے، مجموعی طور پر اب تک 21 مریض صحت یاب ہو چکے ہیں اور 8 مریض انتقال کر چکے ہیں۔

ظفر مرزا نے کہا کہ ملک میں کورونا کے 64 فیصد مرد اور 26 فیصد خواتین ہیں، ملک میں اس وقت 5 مریضوں کی حالت تشویشناک ہے، زیادہ تر مریضوں کی عمریں 25 سے 40 سال کے درمیان ہیں۔ انہوں نے کہا کہ سپیکر قومی اسمبلی کی زیر صدارت پارلیمانی رہنماؤں کا اجلاس ہوا جس میں سب رہنما متفق تھے کہ ملک کو کورونا سے پاک کرنا ہے۔

(جاری ہے)

رہنماؤں نے اتفاق کیا کہ سیاسی اختلافات الگ رکھ کر سب ساتھ چلیں گے اور کورونا کی وبا سے ہم نے مل کر لڑنا ہے۔

ظفر مرزا نے کہا کہ دوحہ سے گزشتہ رات ایک فلائٹ آئی اور 148 مسافروں کے ٹیسٹ کئے گئے، یہ بتاتے ہوئے خوشی ہو رہی ہے کہ سب کے ٹیسٹ منفی آئے ہیں۔ انہوں نے کہا کہ کل وزیراعظم کی زیر صدارت نیشنل کوآرڈینیشن کمیٹی کا اجلاس ہو رہا ہے۔ اجلاس میں نیشنل سیکیورٹی کمیٹی کے فیصلوں کا ریویو کیا جائے گا۔ معاون خصوصی برائے صحت کا کہنا تھا کہ آج ہمیں 5 لاکھ این 95 ماسک چین کی جانب سے موصول ہوئے ہیں، 27 مارچ کو پرسنل پروٹیکشن سمیت دیگر سامان پاکستان لایا جائے گا، تقریباً 12 ٹن طبی سامان پاکستان پہنچ جائے گا۔

ظفر مرزا نے کہا کہ روزانہ کہتا ہوں اس بیماری کو روکنے کیلئے احتیاطی تدابیر اختیار کرنا ہو گی، بلاضرورت گھروں سے باہر نہ نکلیں، صرف بنیادی ضرورت کیلئے باہر نکلیں، احتیاطی تدابیر اختیار نہیں کریں گے تو ملک میں بیماری کو روکنا مشکل ہوگا۔
کرونا وائرس کی تباہ کاریاں سے متعلق تازہ ترین معلومات