صدر آزاد کشمیر سردار مسعود خان نے ٹیلیفون پر کورونا کے مریضوں اور محکمہ صحت کے آفیسران کی خیریت دریافت کی

جمعرات 9 اپریل 2020 18:09

اسلام آباد ۔ (اُردو پوائنٹ اخبارتازہ ترین - اے پی پی۔ 09 اپریل2020ء) صدر آزاد کشمیر سردار مسعود خان نے ٹیلیفون پر کورونا کے مریضوں اور محکمہ صحت کے آفیسران کی خیریت دریافت کی۔

(جاری ہے)

جمعرات کو صدر آزاد کشمیر نے ٹیلی فون پر بھمبر کے ڈسٹرکٹ ہیلتھ آفیسر ڈاکٹر اقبال چوہدری، اسسٹنٹ ڈائریکٹر و فوکل پرسن ضلع بھمبر ڈاکٹر وقاص نصر، ڈی ایچ او آفس بھمبر کے جونیئر کلرک اشتیاق احمد کے علاوہ کورونا وائرس کے مرض سے حال ہی میں صحت یاب ہونے والے ایک شہری لیاقت حسین اور کشمیر ہاؤس اسلام آباد میں تعینات محکمہ پولیس کے دو اہلکاروں سے ان کی صحت کے بارے میں دریافت کیا۔

صدر آزادکشمیر کو کورونا وائرس سے متاثرہ ان اشخاص نے بتایا کہ انھیں کورونا وائرس کی معمولی علامات ہیں اور وہ اپنے آپ کو مکمل طور پر صحت مند محسوس کر رہے ہیں۔ صدر آزاد کشمیر نے کورنا سے متاثرہ تمام شہریوں اور محکمہ صحت کے آفسیران اور اہلکاران کو یقین دلایا کہ حکومت ان کے علاج معالجہ اور انھیں حفاظتی ساز و سامان مہیا کرنے کے لئے تمام ضروری اقدامات کرے گی۔