جی سی یونیورسٹی لاہور میںآن لائن درس قرآن کا آغاز

جمعہ 1 مئی 2020 17:58

لاہور۔یکم مئی(اُردو پوائنٹ اخبارتازہ ترین - اے پی پی۔ 01 مئی2020ء) گورنمنٹ کالج یونیورسٹی لاہور میں آن لائن درس قرآن کا آغاز کردیا گیا۔فیس بک پر پروفیسر حافظ محمد عظمت نے تقوی کے موضوع پر طلباء کو درس دیا۔وائس چانسلر پروفیسر ڈاکٹر اصغر زیدی کا کہنا تھا کہ درس قرآن جی سی یونیورسٹی کی دیرینہ روایت میں شامل ہے اورلاک ڈاون میں بھی درس قرآن آن لائن جاری رہے گا۔

درس قرآن نوجوانوں کی کردار سازی کے لئے لازمی ہے۔

(جاری ہے)

وائس چانسلر کا مزید کہنا تھا کہ قرآن پاک کی تلاوت کے ساتھ ترجمہ اور تفسیر سمجھنے کی بھی ضرورت ہے۔گورنر پنجاب نے بھی یونیورسٹیز میں قرآن پاک کی تدریس کے احکامات جاری کئیے ہیں۔تقوی پر بات کرتے ہوئے پروفیسر عظمت کا کہنا تھا کہ روضہ کا، رمضان کا،قرآن کاتقویٰ کا پیغام ہے کہ آپس میں ایک دوسروں کے مال باطل طریقوں سے ناجائز طریقوں سے مت کھاؤ،، قوم میں تقویٰ پیدا کردو تو کرپشن ختم ہو سکتی ہے۔ پروفیسر عظمت کا کہنا تھا کہ یہی راستہ ہے ریاست اس کو سمجھے اور تعلیمی اداروں میں تربیتی نظام قرآن کا رائج ہو تاکہ یہ سارے کرپشن کے راستے بند ہوں اور پاکستان بلندیوں کی طرف محو پروازہو۔

Facebook Twitter Google + Share on Whatsapp

جی سی یونیورسٹی لاہور میںآن لائن درس قرآن کا آغاز

متعلقہ عنوان :

مزید تعلیم کی خبریں