آزاد کشمیر میں مزید ایک شخص میں کرونا کی تصدیق ہوئی ہے جس کا تعلق مظفرآباد سے ہے،مصطفی بشیر

وزیر اعظم آزادکشمیر کی جانب سے لاک ڈائون میں دی گئی نرمی کا آج پہلا دن تھا اور ریاست بھر میں صورتحال بہتر رہی ،ترجمان حکومت آزاد کشمیر

ہفتہ 2 مئی 2020 20:44

مظفرآباد (اُردو پوائنٹ اخبارتازہ ترین - این این آئی۔ 02 مئی2020ء) آزادجموں وکشمیر کے وزیر آئی ٹی ، ٹیوٹا، بہبود آبادی و حکومتی ترجمان ڈاکٹر مصطفی بشیر نے کہا ہے کہ گزشتہ چوبیس گھنٹے کے دوران آزاد کشمیر میں مزید ایک شخص میں کرونا کی تصدیق ہوئی ہے جس کا تعلق مظفرآباد سے ہے۔وزیر اعظم آزادکشمیر کی جانب سے لاک ڈائون میں دی گئی نرمی کا آج پہلا دن تھا اور ریاست بھر میں صورتحال بہتر رہی ۔

انتظامیہ کو سختی سے ہدایت کی گئی ہے کہ وہ لاک ڈائون پر سختی سے عملدرآمد یقینی بنائیں ۔ ذخیرہ اندوزوں کے خلاف بہترین کارروائی پر وزیر اعظم نے انتظامیہ کی کارکردگی سراہتے ہوئے مزید سخت ایکشن لینے کا حکم دیا ہے۔مقبوضہ کشمیر کی صورتحا ل پر سخت تشویش ہے ۔ اپنے ایک بیان میں وزیر حکومت ڈاکٹر مصطفی بشیر نے کہاکہ آزادکشمیر میں گزشتہ چوبیس گھنٹوں کے دوران کرونا کا ایک اور مریض صحت یاب ہو گیاہے ۔

(جاری ہے)

آزادکشمیر میں اب تک 2185 افراد کے ٹیسٹ لیے گئے جن میں سی2089 کے رزلٹ آچکے ہیں اور 67افراد میں کرونا وائرس کی موجودگی پائی گئی ہے جن میں سی 44صحت یاب ہو چکے ۔ انہوں نے کہاکہ مسئلہ کشمیر کی صورتحال پر سخت تشویش ہے ۔ وہ کرونا سے بچائو کیلئے حفاظتی اقدامات نہیں کیے گئے ۔ کشمیریوں کو بھارتی حکومت جان بوجھ کر صحت کی سہولیات فراہم نہیں کررہی ۔

انہوں نے کہا کہ بھارت تین لاکھ سے زائد اہندوئوں کو مقبوضہ کشمیر میں لا کر آباد کرنے جارہا ہے ۔حکومت پاکستان سے مطابلہ کرتے ہیں کہ اس کا نوٹس لیا جائے ۔اگر مقبوضہ کشمیر میںکرونا کی وبائو کو کنٹرول نہ کیا گیا تو حالات مزید خراب ہو جائیں گے ۔ ہندوستان کشمیر کی بزنس کمیونٹی کو بھی تنگ کررہا ہے اور انہیں بھی طبی سہولیات فراہم نہیں کی جارہیں۔ ڈاکٹر مصطفی بشیر نے کہاکہ وزیر اعظم آزادکشمیر نے سیز فائر لائن پر بھارتی فوج کے دانت کھٹے کرنے پر افواج پاکستان کو خراج تحسین پیش کیا ہے جس میں بھارت کے دو فوجی ہلاک ہوئے ہیں ۔ انہوں نے کہاکہ پلوامہ میں رمضان المبارک کے تقدس کو پامال کرتے ہوئے بھارتی فوج نے عورتوں ، بزرگوں اور بچوں پر تشدد کیا جارہا ہے ۔