کورونا کے پھیلاؤ سے متعلق بامقصد اور غیر جانبدار تحقیقات کی حمایت کرتے ہیں: چین

چینی صدر نے کورونا کی وبا کے بحران کو جنگ عظیم دوم کے بعد سب سے بڑا بحران قراردے دیا

پیر 18 مئی 2020 22:43

کورونا کے پھیلاؤ سے متعلق بامقصد اور غیر جانبدار تحقیقات کی حمایت کرتے ..

بیجنگ (اُردو پوائنٹ اخبارتازہ ترین - این این آئی۔ 18 مئی2020ء) چینی صدر شی جن پنگ نے کہا ہے کہ چین نے کورونا وائرس کے پھیلاؤ کو روکنے کیلئے شفاف اقدامات کیے ہیں اور کورونا کی ویکسین کی ترقی پذیر ممالک میں باآسانی رسائی یقینی بنائی جائے گی۔عالمی ادارہ صحت (ڈبلیو ایچ او) کے تحت ہونے والی ورلڈ ہیلتھ اسمبلی سے بذریعہ ویڈیو لنک خطاب کرتے ہوئے چینی صدر نے کورونا کی وبا کے آغاز میں چین کی جانب سے کیے گئے اقدامات کا دفاع کیا۔

(جاری ہے)

شی جن پنگ نے کہا کہ ان کا ملک وبا کے کنٹرول میں آنے کے بعد عالمی ادارہ صحت کے تحت دنیا بھر کے کورونا سے متعلق ردعمل اور اقدامات کی مکمل تحقیقات کی حمایت کرتا ہے تاہم یہ تحقیقات بامقصد اور غیر جانبدار ہونی چاہئیں۔چینی صدر نے آئندہ دو سال کیلئے کورونا وائرس کے خلاف اقدامات کیلئے 2 ارب ڈالر فراہم کرنے کا اعلان کرتے ہوئے وعدہ کیا کہ اگر چین نے کورونا کی ویکسین بنائی تو اسے دنیا بھر کے شہریوں کیلئے دستیاب کرے گا اور ترقی پذیر ممالک میں اس کی رسائی کو یقینی بنائیگا۔اپنے خطاب میں چینی صدر نے کورونا کی وبا کے بحران کو جنگ عظیم دوم کے بعد سب سے بڑا بحران قرار دیا۔