بھارت پاکستان میں دہشتگرد کاروائیوں میں ملوث ہے، ترجمان پاک فوج
کراچی سٹاک ایکسچینج پر ناکام حملہ یا دہشتگردوں کی معانت کیلئے منی لانڈرنگ کے تانے بانے ہندوستان سے ملتے ہیں، کشمیریوں کو سلام ہے جو آزادی کیلئے ظلم برداشت کررہے ہیں، کورونا کا خطرہ ابھی ٹلا نہیں، دوسرا فیز شروع ہورہا ہے، فیس ماسک اور احتیاطی تدابیر کو اپنانا ہوگا۔ میجر جنرل بابر افتخار کی نیوز کانفرنس
ثنااللہ ناگرہ جمعرات 13 اگست 2020 17:58
(جاری ہے)
سیز فائر معاہدے کی خلاف ورزی کی ، جان بوجھ کر ایل اوسی پر شہریوں کو نشانہ بنایا، 16شہری شہید اور 158زخمی ہوچکے ہیں، ان سیز فائر کی خلاف ورزی میں بھاری ہتھیاروں کا استعمال بھی کیا گیا۔
پاک فوج بھرپور انداز میں جواب دیتی ہے لیکن پروفیشنل فوج ہونے کی وجہ سے صرف ان جگہوں کو نشانہ بنایا جاتا ہے جہاں سے فائر ہوتے ہیں۔ مقبوضہ کشمیر میں ایک سال سے کرفیو نافذ ہے۔دنیا کا ہر ظلم کشمیریو ں پر آزمایا جا رہا ہے۔ کشمیریوں کو سلام ہے جو آزادی کی جدوجہد کررہے ہیں۔ عالمی میڈیا نے بھارتی مظالم بے نقاب کئے۔ مقبوضہ کشمیر میں ہندوستان کی طرف سے مبصرگروپ کو لائن آف کنٹرول پر جانے کی کوئی آزادی نہیں، لیکن ہم نے عالمی مبصرین کو آزادکشمیر میں ہرجگہ جانے کی اجازت دی۔ ایل اوسی پر شہریوں کی حفاظت کیلئے شیلٹرز بنانے کا فیصلہ کیا ہے، ایک ہزار شیلٹرز تعمیر ہوچکے ہیں، باقی بنائے جا رہے ہیں۔ہندوستان کو اندرونی معاملات نے ایسے موڑ پر لے آیا ہے کہ لاوا کسی وقت بھی پھٹ سکتا ہے۔ بھارت خطے کو عدم استحکام کی طرف دھکیل رہا ہے۔ انہوں نے کہا کہ بھارت پاکستان میں دہشتگردی کی کاروائیوں میں ملوث ہے۔ کراچی سٹاک ایکسچینج پر ناکام حملہ یا دہشتگردو کی معانت کیلئے منی لانڈرنگ کے تانے بانے ہندوستان سے ملتے ہیں۔ بھارت کی اسلحہ خریداری اس کی جارحانہ عزائم کا منہ بولتا ثبوت ہے۔پاکستان ہندوستان کے مذموم اداروں سے مکمل آگا ہ ہے، جنگیں صرف اسلحے کے زور پر نہیں جیتی جاتیں۔ انہوں نے ایک سوال پر کہا کہ پاکستان کیخلاف 3محاذ کھولنے کا بھارت کا خواب پورا نہیں ہوگا، بھارت نے فرانس سے 5 رافیل طیارے خریدے ہیں، بھارت 500رافیل طیارے بھی خرید لے، ہم تیار ہیں، ہم محدود وسائل میں بھارت کا مقابلہ کریں گے۔بھارت رافیل لے آئے یا ایس 400 ہم دفاع کرنے کیلئے تیار ہیں۔انہوں نے کہا کہ کلبھوشن بھارتی ایجنٹ تھا، جو پاکستان میں خون ریزی چاہتا تھا۔ کلبھوشن کے ہاتھ معصوم پاکستانیوں کے خون سے رنگے ہوئے ہیں۔ کلبھوشن سے متعلق ہم عالمی قوانین کی پاسداری کررہے ہیں۔ احسان اللہ احسان کی مبینہ ٹیپ میں الزامات بے بنیاد ہیں، احسان اللہ احسان کو آپریشن کیلئے استعمال کیا جاتا تھا، احسان اللہ احسان موقع پاکر فرار ہوگیا۔احسان اللہ احسان نے بڑی انفارمیشن دی، احسان اللہ احسان کی معلومات سے بڑا فائدہ ہوا ہے۔انہوں نے کہا کہ پاکستان نے افغانستان میں امن کی بحالی کیلئے بھرپور کردار کیا ہے، افغانستان میں قیام امن پاکستان میں امن ہے۔افغانیوں کے بعد اگر کوئی امن چاہتا ہے تو وہ پاکستان ہے۔افغانستان میں مکمل امن جلد بحال ہوجائے گا۔افغانستان میں امن کے ساتھ مہاجرین کی واپسی کیلئے بھی پرامید ہیں۔آپریشن ردالفساد میں زبردست پیشرفت ہوئی ہے، اس میں 40ہزار مربع کلومیٹر سے زیادہ علاقہ دہشتگردوں سے خالی،400 ٹن بارودی مواد کو تلف، انٹیلی جنس کی اطلاعات پر آپریشن کیے گئے۔18ہزار سے زائد دہشتگردوں کو مارا گیا، 70ہزار سے زائدبھاری اسلحہ برآمد کیا ہے۔ بارڈر پر سکیورٹی کے انتہائی اقدامات کیے جا رہے ہیں۔کورونا وائرس کیخلاف کامیابی عوام کے تعاون کے بغیر ممکن نہیں تھی، عوام نے ذمہ دار شہری ہونے کا ثبوت دیا، خطرہ ابھی ٹلا نہیں، دنیا میں وباء دوبارہ سر اٹھا رہی ہے، دوسرا فیز شروع ہورہا ہے، فیس ماسک اور احتیاطی تدابیر کو اپنانا ہوگا۔ محرم میں پوری طرح احتیاط کرنی ہوگی۔افواج پاکستان ٹڈی دل سمیت پولیو مہم میں بھی حکومت کی بھرپور مدد کررہی ہے۔ میں فرنٹ لائن ڈاکٹرز، پیرامیڈیکل، اور تمام سٹاف کو خراج تحسین پیش کرتا ہوں جو ملکی معیشت کا پہیہ چلانے کیلئے سرگرم ہیں۔مزید اہم خبریں
-
عالمی عدالت کو امریکی اور اسرائیلی حکام کی دھمکیاں پریشان کن، ماہرین
-
امریکہ: غزہ میں جنگ بندی کا مطالبہ کرنے والے طلباء سے ناروا سلوک پر تشویش
-
ترسیلات زر کے حجم میں 28 فیصد اضافہ ہو گیا
-
عرس کی تقریبات میں بھگدڑ، اموات ہونے کی اطلاعات
-
عالمی مسائل سے نمٹنے میں کثیر فریقی کوششیں تیزکرنے کی ضرروت: گوتیرش
-
قوم پر مسلط لوگوں نے کسی حلقہ میں بھی 30 فیصد ووٹ نہیں لیے
-
پی ٹی اے اور ٹیلی کام کمپنیاں روزانہ 5 ہزار نان فائلرز کی سمز بند کرنے پر متفق
-
ٴمعاشی استحکام کے باوجود پاکستانی معیشت کو بڑے خطرات کا سامنا ہے
-
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
کتنی پنشن لینے والوں پر ٹیکس لگے گا؟ تفصیلات سامنے آ گئے
-
دیامر بھاشا ڈیم کی تعمیر میں تاخیر کا خدشہ پیدا ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.