ڈومیسٹک کرکٹ سیزن کیلئے کھلاڑیوں کو کووڈ ٹیسٹ کرانے کی ہدایت

ڈومیسٹک کرکٹ سیزن کا آغاز 30 ستمبر سے نیشنل ٹی ٹوئنٹی کپ سے ہو گا

اتوار 13 ستمبر 2020 14:35

اسلام آباد (اُردو پوائنٹ اخبارتازہ ترین - این این آئی۔ 13 ستمبر2020ء) ڈومیسٹک کرکٹ سیزن کے پہلے ٹورنامنٹ نیشنل ٹی ٹوئنٹی کپ سے پہلے کرکٹرز کے کوویڈ 19 ٹیسٹ کا پہلا مرحلہ اگلے دو روز میں شروع ہوگا، کھلاڑیوں اور آفیشلز کو کورونا ٹیسٹ اپنے اپنے شہروں میں انفرادی طور پر کروانے کی ہدایت کی گئی ہے ۔

(جاری ہے)

ڈومیسٹک کرکٹ سیزن کا آغاز 30 ستمبر سے نیشنل ٹی ٹوئنٹی کپ سے ہو گا، بائیو سیکور ماحول میں جانے کے لیے کھلاڑیوں اور آفیشلز کے دو کوویڈ 19 ٹیسٹ منفی آنا ضروری ہیں ، کوویڈ 19 ٹیسٹنگ کا پہلا مرحلہ دو روز میں شروع ہو گا ۔

ذرائع کے مطابق کرکٹرز اور آفیشلز کواپنے شہروں میں کورونا ٹیسٹ کروانے کی ہدایت کی گئی ہے، جبکہ پاکستان کرکٹ بورڈ (پی سی بی)نے نہ لیبارٹری مخصوص کی اور نہ ٹیسٹ کی فیس کے بارے آگاہ کیا ۔