وزیراعلیٰ پنجاب سردارعثمان بزدار کی فرانس میں گستاخانہ خاکوں کی شدید مذمت

آزادی اظہار کی آڑ میں کسی کو مذہبی جذبات مجروح کرنے کی اجاز ت نہیں ہونی چاہیے

پیر 26 اکتوبر 2020 18:20

وزیراعلیٰ پنجاب سردارعثمان بزدار کی فرانس میں گستاخانہ خاکوں کی شدید ..

لاہور(اُردو پوائنٹ اخبارتازہ ترین - این این آئی۔ 26 اکتوبر2020ء) وزیراعلیٰ پنجاب سردار عثمان بزدار نے فرانس میں گستاخانہ خاکوں کی شدید مذمت کی ہے ۔وزیراعلیٰ عثمان بزدار نے کہا کہ گستاخانہ خاکے بدترین اورانتہائی دل آزاری والا اقدام ہے ،جس کی مہذب معاشرے میں رتی بھر بھی گنجائش نہیں۔کسی بھی مہذب معاشرے میں انبیاء کرام کی شان میں گستاخی کا تصور بھی نہیں کیا جاسکتا۔

(جاری ہے)

انہوںنے کہا کہ خاتم النبین حضرت محمدؐ کا احترام ہر مسلمان کے ایمان کا حصہ ہے اور آزادی اظہار کی آڑ میں نبی کریم ؐ کی شان میں گستاخی ہر گز برداشت نہیں ۔کیا اربوں مسلمانوں کی دل آزاری کر کے ہی آزادی اظہار کے تقاضے پورے ہوتے ہیں فرانس کے اس اقدام سے دنیا بھر کے اربوں مسلمانوں کی دل آزاری ہوئی ہے ۔انہوںنے کہا کہ آزادی اظہار کی آڑ میں کسی کو مذہبی جذبات مجروح کرنے کی اجاز ت نہیں ہونی چاہیے۔