وفاقی حکومت کی آئی ایم ایف سے مذاکرات میں ناکامی کی خبروں کی تردید

آئی ایم ایف کےساتھ آئندہ قسط کی ادائیگی کیلئےمذاکرات جاری ہیں، آئی ایم ایف کی شرائط کے تحت پاکستان مالی استحکام کیلئے معاشی اصلاحاتی ایجنڈے پر قائم ہے۔ وزارت خزانہ کا فنانشل ٹائمز میں چھپنے والی خبر پر ردعمل

ثنااللہ ناگرہ ہفتہ 21 نومبر 2020 20:18

وفاقی حکومت کی آئی ایم ایف سے مذاکرات میں ناکامی کی خبروں کی تردید

اسلام آباد (اردوپوائنٹ اخبار تازہ ترین۔ 21 نومبر2020ء) وفاقی حکومت نے آئی ایم ایف سے مذاکرات میں ناکامی کی خبروں کی تردید کردی ہے، آئی ایم ایف کے ساتھ آئندہ قسط کی ادائیگی کیلئے مذاکرات جاری ہیں،آئی ایم ایف کی شرائط کے تحت پاکستان مالی استحکام کیلئے معاشی اصلاحاتی ایجنڈے پر قائم ہے۔ وزارت خزانہ نے ٹویٹر پر فنانشل ٹائمز میں چھپنے والی خبر پر اپنے ردعمل میں کہا کہ آئی ایم ایف کے ساتھ آئندہ قرض قسط کی ادائیگی کیلئے مذاکرات کررہے ہیں۔

قسط کی ادائیگی کی شرائط پوری کرنے میں مثبت پیش رفت جاری ہے۔ آئی ایم ایف کی شرائط کے تحت پاکستان مالی استحکام کیلئے معاشی اصلاحاتی ایجنڈے پر قائم ہے۔ جبکہ خبر میں وزارت خزانہ کا کوئی مئوقف نہیں لیا گیا بلکہ فنانشل ٹائمز نے مئوقف لیے بغیر ہی خبریں چلائیں۔

(جاری ہے)

We would like to dispel the erroneous impression conveyed by an article in @FinancialTimes regarding Pakistan's IMF Program.The contention in the article appears to derive from the personal views of some individuals,while the actual position was never solicited from the Govt 1/2
— Ministry of Finance, Government of Pakistan (@Financegovpk) November 21, 2020

In this context, it is clarified that Pakistan is closely engaged with the Fund to bring the review work to completion without delay. Pakistan remains firmly committed to its agenda of fiscal stabilisation and economic reforms 2/2
— Ministry of Finance, Government of Pakistan (@Financegovpk) November 21, 2020

دوسری جانب دنیا بھر میں کوویڈ19 وباء کے باعث پاکستان کو آئی ایم ایف کے قرض ری شیڈول میں ریلیف ملنے کا امکان پیدا ہوگیا ہے۔

ذرائع وزارت خزانہ کے مطابق جی 20 ممالک کا اجلاس کل سعودی عرب ریاض میں ہوگا۔جی 20 اجلاس میں 43 ممالک کے قرض ری شیڈول کرسکتا ہے۔ قرض ری شیڈول کرنے والے ممالک کی فہرست میں پاکستان بھی شامل ہوگا۔ پاکستان کو جنوری سے جون تک قرض ری شیڈول میں ریلیف ملنے کا امکان ہے۔ آئی ایم ایف نے قرض ری شیڈول کی نئی سہولت دے دی ہے۔ آئی ایم ایف کا قرض ری شیڈول کروانے والے ممالک دیوالیہ قرار نہیں دیے جائیں گے۔قرضوں کی ری شیڈولنگ کا مقصد غریب ممالک کو ریلیف دینا ہے۔ اس سے قبل پچھلے وسط اکتوبر میں جی ٹونٹی ممالک نے غریب ممالک کے قرضوں کی ادائیگی میں توسیع کردی تھی۔