آنے والے وقتوں میں اسرائیل کو تسلیم کرنے کے لیے پاکستان پر غیر ملکی دباؤ بڑھے گا

سعودی عرب نے پاکستان سے کہا ہے کہ اسرائیل کو تسلیم کر لیں۔ سینئیر صحافی و تجزیہ کار عارف حمید بھٹی

سمیرا فقیرحسین منگل 24 نومبر 2020 11:12

آنے والے وقتوں میں اسرائیل کو تسلیم کرنے کے لیے پاکستان پر غیر ملکی ..

اسلام آباد (اُردو پوائنٹ تازہ ترین اخبار۔24 نومبر 2020ء) : نجی ٹی وی چینل کے پروگرام میں بات کرتے ہوئے سینئیر صحافی و تجزیہ کار عارف حمید بھٹی کا کہنا ہے کہ آنے والے وقتوں میں اسرائیل کو تسلیم کرنے کے لیے پاکستان پر غیر ملکی دباؤ بڑھے گا۔ پروگرام میں صحافی سعید قاضی نے کہا کہ پاکستان پر اسرائیل کو تسلیم کرنے کا دباؤ ہے ۔ پاکستان پر دباؤ ہے کہ فلاں فلاں ملک کے پیسے واپس کرو۔

پروگرام میں موجود سینئیر صحافی و تجزیہ کار عارف حمید بھٹی نے کہا کہ سعودی عرب نے پاکستان سے کہا ہے کہ اسرائیل کو تسلیم کریں لیکن وزیر اعظم پاکستان عمران خان نے کہا کہ الحمدلللہ میں مسلمان ہوں میں تسلیم نہیں کروں گا۔ عمران خان نے یہ جو کہا ہے یہ قابل تحسین ہے۔ انہوں نے کہا کہ اسرائیلی وزیراعظم نیتن یاہو کا دورہ ، جس کی سعودی عرب بظاہر تردید کر رہا ہے، اسے دیکھ کر مجھے لگ رہا ہے کہ آنے والے دنوں میں پاکستان پر دباؤ مزید بڑھے گا۔

(جاری ہے)

انہوں نے کہا کہ اگر ہم پاک چائنہ کاریڈور کی طرف جا رہے ہیں توچائنہ کہاں کھڑا ہے، ایک طرف تو وہ آپ سے 300 ملین ڈالر مانگ رہے ہیں اب پاکستان کو کسی قیمت پر بھی اسرائیل کو نہ تسلیم کیا ہے اور نہ کرنا چاہیئے ۔ لیکن اس ضمن میں جو دباؤ ہے ، جو غیر ملکی طاقتیں ہیں، اس قسم کے بیانیے کے پیچھے مجھے خدشہ ہے کہ وہی ہیں انہوں نے مزید کیا کہا آپ بھی دیکھیں:

عمران خان پر دباؤ کے پیچھے کون سی غیر ملکی طاقتیں ہیں؟ جانیئے عارف حمید بھٹی سے۔۔ @arifhameed15 @saeed_qazi @tahirmalikpak @ImranKhanPTI @PTIofficial #KhabarHai #GNN pic.twitter.com/N5G78xfsPi
— GNN (@gnnhdofficial) November 23, 2020

یاد رہے کہ گذشتہ روز غیر ملکی میڈیا پرسعودی ولی عہد شہزادہ محمد بن سلمان اور اسرائیلی وزیراعظم نیتن یاہو کی ملاقات کی خبریں گردش کر رہی تھیں جس کے بعد سعودی عرب نے ولی عہد شہزادہ محمد بن سلمان اور اسرائیلی وزیر اعظم بینجمن نیتن یاہو کی ملاقات کی خبروں کی تردید کردی تھی۔

تاہم اس مبینہ ملاقات پر سیاسی تجزیہ کاروں نے اسرائیل کو تسلیم کرنے کے لیے پاکستان پر ڈالے جانے والے دباؤ سے متعلق چہ مگوئیاں شروع کر دی ہیں۔