مینار پاکستان میں ووٹ کی عزت بحال کریں گے ‘مریم اورنگزیب

اگلا پورا ہفتہ کنونشن او رکارنر میٹنگز ہوں گی،مریم نواز شرکت کریں گی ‘ میڈیا سے گفتگو

جمعہ 4 دسمبر 2020 15:19

مینار پاکستان میں ووٹ کی عزت بحال کریں گے ‘مریم اورنگزیب

لاہور(اُردو پوائنٹ اخبارتازہ ترین - این این آئی۔ 04 دسمبر2020ء) پاکستان مسلم لیگ (ن) کی مرکزی سیکرٹری اطلاعات مریم اورنگزیب نے کہا ہے کہ پی ڈی ایم کی تحریک کرپٹ مافیا کے خلاف ہے ،عوام 13دسمبر کو آٹا اورچینی چوروں کے خلاف مینار پاکستان آئیں گے ۔ سائرہ افضل تارڑ کے ہمراہ میڈیا سے گفتگو کرتے ہوئے انہوں نے کہا کہ آج عوام کے پاس نہ پیسے ہیں نہ آٹا اورنہ ہی چینی ہے ،13دسمبرکو سارا لاہور مینار پاکستان آئے گا، یہ جلسہ نہیں عوامی تحریک ہے ۔

انہوںنے کہا کہ شہباز شریف کو جیل میں بند کر کے آپ سب کو خاموش نہیں کرسکتے ۔

(جاری ہے)

انہوں نے کہا کہ مینار پاکستان میں ووٹ کی عزت بحال کریں گے ،اگلا پورا ہفتہ لاہور میں کنونشن اور کارنر میٹنگز ہوں گی جس میںمریم نواز شرکت کریں گی۔انہوںنے کہا کہ جج ارشد ملک کے انتقال پر ان کے اہل خانہ سے تعزیت کرتے ہیں۔ سائرہ افضل تارڑ نے کہا کہ جس سے پشاور میٹرو اور حکومت نہیں چلتی ان کو آخری دکھا دینا ہے ،ان لوگوں نے کشمیر کا سودا کردیا ،آٹا گھی چینی پر ڈاکہ ڈالا،مافیا کے گھر جانے کا وقت آچکا ہے ۔ انہوں نے کہا کہ حکومت اگر جلسے کی اجازت دے رہی ہے تو اینٹی کرپشن کے پرچے پر بند کرے ،جس طرح ملتان کے جلسے میں عوام پہنچے تھے لاہور بھی آئیں گے ۔