کراچی میں آج سے سردی کی نئی لہر داخل ہونے کا امکان

کراچی سمیت سندھ کے بیشتر علاقے شدید سرد ہوائوں کے زیر اثر رہیں گے،محکمہ موسمیات

جمعہ 22 جنوری 2021 14:22

کراچی میں آج سے سردی کی نئی لہر داخل ہونے کا امکان

کراچی(اُردو پوائنٹ اخبارتازہ ترین - این این آئی۔ 22 جنوری2021ء) محکمہ موسمیات نے شہر قائد میں آج(ہفتہ) سے سردی کی نئی لہر آنے کی پیش گوئی کرتے ہوئے کہاہے کہ کراچی سمیت سندھ کے بیشتر علاقے شدید سرد ہوائوں کے زیر اثر رہیں گے۔

(جاری ہے)

محکمہ موسمیات نے خبردار کیا ہے کہ کراچی میں ہفتہ سے سردی کی نئی لہر داخل ہونے کا امکان ہے، شہر میں بلوچستان سے نیا موسمی سسٹم داخل ہوگا، جس کے باعث کراچی سمیت سندھ کے بیشترعلاقے شدیدسردہوائوں کے زیراثررہیں گے۔محکمہ موسمیات کے مطابق جمعہ کو شہر کا کم سے کم درجہ حرارت12 ڈگری سینٹی گریڈ ریکارڈ کیا گیا جبکہ ہوا میں نمی کا تناسب 77 فیصد اور مغربی سمت سے 19کلو میٹر فی گھنٹہ کی رفتار سے ہوائیں چل رہی تھیں۔