ایم کیو ایم اراکین دوسرے دن بھی سندھ اسمبلی سے غیر حاضر

گذشتہ روز بھی خواجہ اظہارالحسن کے علاوہ کسی رہنما نے شرکت نہیں کی تھی

منگل مارچ 21:31

ایم کیو ایم اراکین دوسرے دن بھی سندھ اسمبلی سے غیر حاضر
کراچی(اُردو پوائنٹ اخبارتازہ ترین - این این آئی۔ 02 مارچ2021ء) سندھ اسمبلی کے اجلاس میں ایم کیو ایم اراکین شریک نہیں ہوئے۔سندھ اسمبلی اجلاس سے ایم کیو ایم اراکین غیر حاضر رہے، کوئی رکن اجلاس میں شریک نہ ہوا، گذشتہ روز بھی خواجہ اظہار الحسن کے علاوہ کسی رہنما نے شرکت نہیں کی تھی۔

(جاری ہے)

ذرائع کا کہنا ہے کہ ایم کیو ایم کے رکن اسمبلی مقامی ہوٹل میں موجود ہیں، جنہیں سینیٹ الیکشن ختم ہونے تک باہر جانے کی اجازت نہیں دی جارہی۔

پیپلز پارٹی کے ووٹ کے لیئے رابطوں پر خدشات کے باعث ارکان اجلاس میں شریک نہیں ہو رہے۔بعض ذرائع کا کہنا ہے کہ ارکان کو ہوٹل میں ٹھرایا گیا ہے، اس سلسلے میں فیصل واڈا اور سیف اللہ ابڑو نے ہوٹل کے 30 کمرے بک کروا رکھے ہیں۔ کھانا کھانے کے بعد کسی کو گھر جانے کی اجازت نہیں ہوگی، کئی خواتین ارکان اسمبلی نے اپنے موبائل فون بند کردیئے ہیں۔