کراچی،رینجرز اور پولیس کی سرجانی ٹاؤن میں مشترکہ کارروائی، بینک ڈکیت گروپ کا سرغنہ ومبینہ قاتل گرفتار

جمعرات 8 اپریل 2021 00:55

کراچی(اُردو پوائنٹ اخبارتازہ ترین - آن لائن۔ 07 اپریل2021ء) رینجرز اور پولیس کی سرجانی ٹاؤن میں مشترکہ کارروائی بینک ڈکیت گروپ کا سرغنہ ومبینہ قاتل دھرلیا گیا۔

(جاری ہے)

تفصیلات کے مطابق پاکستان رینجرز سندھ اور پولیس نے مشترکہ طور پر سرجانی ٹاؤن کریم ڈینو گوٹھ میں کارروائی کرتے ہوئے ایک ملزم دانش عرف کالا عرف لارا کو گرفتارکرکے اسلحہ برآمد کرلیا،ترجمان رینجرز کے مطابق گرفتارملزم انتہائی مطلوب بینک ڈکیت گروپ کا سرغنہ اور مبینہ قتل میں ملوث ہے ،ملز م نے دو مارچ کو نیو ٹاؤن کے علاقے شرف آباد بہادر آباد میں شاہ رخ قیصر نامی شخص سے پانچ لاکھ روپے چھیننے کی واردات میں ملوث ہے اورمذکورہ واردات کے دوران ملزم کا ایک ساتھی عمران عرف بھیا موقع سے اسلحے سمیت گرفتارہوا تھا،جبکہ تیسرے ساتھی ساجد کی گرفتاری کیلئے چھاپے مارے جارہے ہیں،تاہم ملزم کو مزید قانونی کارروائی کیلئے پولیس کے حوالے کردیا گیا ہی