گاؤں کی سادہ لڑکی سوشل میڈیا پر مقبول ہو گئی

گول روٹیاں اور کھانا پکانے والی لڑکی کی خوبصورتی کے سب دیوانے ہو گئے

مقدس فاروق اعوان جمعہ 11 جون 2021 15:05

گاؤں کی سادہ لڑکی سوشل میڈیا پر مقبول ہو گئی

لاہور (اردو پوائنٹ تازہ ترین اخبار۔31 مئی 2021ء) گول روٹیاں بنانے والی گاؤں کی سادہ سی لڑکی سوشل میڈیا پر مقبول ہو گئی۔تفصیلات کے مطابق اس بات میں کوئی شک نہیں کہ آج کل سوشل میڈیا کسی کو بھی شہرت دلا سکتا ہے اور اگر آپ میں کوئی منفرد خوبی ہو اور ایک بار سوشل میڈیا پر آ جائے تو بس پھر سمجھیں آپ راتوں رات دنیا بھر میں مقبول ہو جائیں گے۔کچھ عرصہ قبل بلاگر دنانیر مبین بھی ایک ویڈیو اپلوڈ کرنے کے بعد مقبول ہو گئی تھیں اور ان کے سٹائل ،’یہ ہم ہیں، یہ ہماری گاڑی ہے اور یہ ہماری پارٹی ہورہی ہے‘ کو بھارت میں بھی کاپی کیا گیا۔

اسی طرح اب ایک اور لڑکی کی ویڈیو سوشل میڈیا پر کافی مقبول ہو رہی ہے جو گول روٹیاں بناتی ہے اور کھانا بھی پکاتی ہے۔لیکن اس کے ساتھ ساتھ وہ خوبصورت بھی کمال کی ہے۔

(جاری ہے)

پرکشش نین نقش کی مالک لڑکی کو بڑی تعداد میں سوشل میڈیا پر فالو کیا جا رہا ہے۔

View this post on Instagram

چھوٹی سی ویڈیو سے پاکستان میں شہرت کی بلندیوں پر پہنچنے والی لڑکی کو پاکستان کے ساتھ ساتھ بھارت میں بھی خوب پسند کیا جا رہا ہے۔

بتایا گیا ہے کہ گاؤں کی اس سادہ سی لڑکی کا نام آمنہ ریاض ہے جو ایسی روٹیاں بناتی ہے کہ دیکھنے والے حیران رہ جاتے ہیں۔سوشل میڈیا پر صارفین کی جانب سے ان کی کنگ کے ساتھ ساتھ خوبصورتی کی بھی کافی تعریف کی جا رہی ہے۔ان کی ویڈیوز انسٹاگرام کے ساتھ ساتھ ٹک ٹاک پر بھی موجود ہیں۔انسٹاگرام پر آمنہ کو ڈیڑھ لاکھ سے زائد لوگ فالو کرتے ہیں ۔سوشل میڈیا پر آمنہ کی مقبولیت کتنی ہے اس کا اندازہ اس بات سے لگایا جا سکتا ہے کہ ہے کہ ان کی ایک ویڈیو کو 19 ملین مرتبہ بھی دیکھا جا چکا ہے۔

View this post on Instagram

آمنہ نے انسٹاگرام پر مجموعی طور پر 11 ویڈیوز شیئر کی ہیں اور اسے 40 ملین سے زیادہ افراد نے دیکھا ہے۔اگرچہ آمنہ ریاض سے متعلق زیادہ تفصیلات سامنے نہیں آئیں تاہم لوگ ان کے بارے میں مزید جاننا چاہتے ہیں۔