آئی ایم ایف بورڈ کے اجلاس سے پاکستان کا ایجنڈا نکال دیا گیا ہے، سلیم مانڈوی والا کا دعویٰ
نہیں معلوم اگلی قسط آئے گی یا نہیں ،گرے لسٹ سے نکلنے کیلئے حکومت گزشتہ 3 برس میں 4 پوائنٹس حاصل نہیں کرسکی،فیٹف کی گرے لسٹ کی وجہ سے پاکستان میں کاروباری طبقے کو ہر مرحلے میں مشکلات کا سامنا ہے ،اس موضوع پر کوئی بات نہیں کرتا، امید ہے شوکت ترین این ایف سی کے معاملے کو اجاگر کریں گے ، صوبوں میں موجود احساس محرومی کو دور کریں گے،اسٹیل، آٹو موبائل، ٹیلی کام سیکٹرز کے خدشات پر حکومت کو توجہ دینی چاہیے، میڈیا سے گفتگو
اتوار 13 جون 2021 15:00
(جاری ہے)
انہوں نے کہا کہ وزیر خزانہ نے تسلیم کیا کہ آئی ایم ایف کا معاہدہ غلط سائن ہوا کیونکہ اس کی شرائط مناسب نہیں تھیں اور اب وہ دوبارہ بات چیت کریں گے۔
سلیم مانڈوی والا نے کہا کہ شوکت ترین کی جانب سے آئی ایم ایف سے دوبارہ بات چیت کا فیصلہ ایک بڑا فیصلہ ہے اور انہیں ایسا کرنا پڑیگا کیونکہ اس کے بغیر پاکستان میں مہنگائی کے اور کچھ نہیں ہوگا۔فیٹف پر بات کرتے ہوئے رہنما پیپلز پارٹی نے کہا کہ گرے لسٹ سے نکلنے کے لیے حکومت گزشتہ 3 برس میں 4 پوائنٹس حاصل نہیں کرسکی۔انہوں نے کہا کہ حکومت دعویٰ کرتی ہے کہ فیٹف کی گرے لسٹ سے نکلنے کیلئے 27 سے 23 پوائنٹ حاصل کرچکے ہیں تاہم ہر مرتبہ کہتے ہیں بلیک لسٹ میں جانے کا ڈر ہے۔سلیم مانڈوی والا نے سوال اٹھایا کہ ایسی کون سی مشکل ہے کہ حکومت 4 پوائنٹ کے حصول میں ناکام ہے۔انہوں نے کہا کہ فیٹف کی گرے لسٹ کی وجہ سے پاکستان میں کاروباری طبقے کو ہر مرحلے میں مشکلات کا سامنا ہے لیکن اس موضوع پر کوئی بات نہیں کرتا۔رہنما پیپلز پارٹی نے کہا کہ موجودہ وزیر خزانہ شوکت ترین ہی این ایف سی ایوارڈ لے کر آئے تھے اس ضمن میں ان کی کاوششیں گراں قدر تھیں تاہم 7 برس گزر جانے کے باوجود این ایف سی ایوارڈ نہیں لایا گیا۔انہوں نے امید ظاہر کی کہ شوکت ترین این ایف سی کے معاملے کو اجاگر کریں گے اور صوبوں میں موجود احساس محرومی کو دور کریں گے۔سلیم مانڈوی والا نے صنعت کاروں کے تحفظات کا حوالہ دیتے ہوئے کہا کہ اسٹیل، آٹو موبائل، ٹیلی کام سیکٹرز کے خدشات پر حکومت کو توجہ دینی چاہیے۔انہوں نے کہا کہ ملک میں کچھ اسٹیل انڈسٹری پر کوئی ٹیکس نہیں جبکہ دیگر بڑی تعداد میں موجود اسٹیل انڈسٹری ٹیکس ادا کرتی ایسے حالات میں ٹیکس ادا کرنے والی انڈسٹری کس طرح مارکیٹ میں اپنی جگہ بنا سکے گیں۔سلیم ماونڈوی والا نے کہا کہ اسٹیل سیکٹر میں فیڈرل ایکسائز ٹیکس کو ختم کرکے سیلز ٹیکس عائد کردیا جس کا مطلب ہوا کہ اب وہ بالکل بھی ٹیکس نہیں دیں گے۔انہوںنے کہاکہ ہر سال ٹیکس کلکشن کی تباہی کی گئی،2019 میں 5.5 ٹیکس کلکشن کی گئی،تین سال بجٹ کاپی پیسٹ ہوتا رہا،بجٹ پیش کر دیا مگر کابینہ نے بجٹ پیش ہی نہیں کیا گیا۔ انہوںنے کہاکہ 727 بلین کے نئے ٹیکس لگائے جا رہے ہیں،وزیر خزانہ نے انڈائیرکٹ ٹیکس لگا کر تباہی کر دی،آن لائن چیزیں خریدنے پرٹیکس لگا دیا گیا،جب تک کورونا رہے گا آن لائن نظام چلتا رہے گا، حکومت نے اس پر بھی ٹیکس لگا دئیے جس پر پہلے ٹیکس نہیں لگائے گئے۔ انہوںنے کہاکہ جس حکومت کو یہ نہیں معلوم کہ ٹیکس کیسے کلیکٹ کرنا ہے وہ بجٹ کیسے بنائے گی ۔ انہوںنے کہاکہ پٹرولیم لیوی میں اضافے کی بات کی گئی ہے،آپ بیس روپے فی لیٹر پٹرول کی قیمت میں اضافے کیلئے تیار ہوجائیں، اس کا غریب عوام پر براہ راست اثر پڑے گا۔ انہوںنے کہاکہ ایل این جی بھی 17 فیصد مہنگی ہونے جا رہی ہے، گیس کی قیمتوں میں بھی اضافہ ہو رہا ہے، چینی کی قیمت پہلے ہی ایک سو روپے تک پہنچ چکی ہے، چینی کی قیمت میں 7 روپے جی ایس ٹی لگا دیا گیا ہے،عام آدمی کیلئے مجھے بجٹ میں کوئی چیز کہیں دکھائی نہ دی۔ انہوںنے کہاکہ ملک کی ایکسپورٹ سات سال میں نہیں بڑھی ،پیپلز پارٹی کی حکومت آئی تو ہم ایکسپورٹ بڑھائیں گے ۔مزید قومی خبریں
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.