پنجاب ایمر جنسی سروس ریسکیو 1122سرگودہا کو محرم الحرام کے حوالہ سے ہائی الرٹ کر دیا گیا

منگل 17 اگست 2021 12:55

سرگودھا(اُردو پوائنٹ اخبارتازہ ترین - این این آئی۔ 17 اگست2021ء) پنجاب ایمر جنسی سروس ریسکیو 1122سرگودہا کو محرم الحرام کے حوالہ سے ہائی الرٹ کر دیا گیا۔

(جاری ہے)

زرائع کے مطابق ڈسٹرکٹ ایمر جنسی آفیسر مظہر شاہ نے ایمر جنسی پلان کے بارے بتایا کہ شہر میں مختلف مقامات پر ریسکیوپوسٹ قائم کردی گئی ہیں جو کہ جلوس روٹس کے علاقوں 9نمبر چونگی، حسین چوک،حیدار کرار چوک کچہری بازار، صدیق اکبر چوک المعروف شربت چوک،امام بار گاہ بلاک نمبر7، 12بلاک فاروق اعظم چوک، ریل بازار اور بلاک نمبر 16،19اور 12نمبر چونگی شامل ہیں جس میں 104ریسکیورز بمعہ گاڑیاں ڈیوٹی سر انجام دے گے تاکہ عزاداران کو کسی بھی ایمر جنسی کی صورت میں جلد از جلد سروس میسر ہو سکے ۔

ان کا کہنا تھا کہ اس کے علاوہ روٹین کی ایمر جنسی کے لیے تمام اسٹیشنز پر سٹاف موجود رہے گا۔