این سی اوسی کا لاہور سمیت 6 اضلاع میں 22 ستمبر تک کورونا بندشیں قائم رکھنے کا فیصلہ

پنجاب اورخیبرپختونخواہ کے6 اضلاع میں سکول کھولنے اور پابندیاں اٹھانے کا فیصلہ 21 ستمبر کو کیا جائے گا، کورونا صورتحال میں بہتری پر18اضلاع میں 16ستمبر سے 50 فیصد حاضری کے ساتھ سکول کھل جائیں گے۔ وفاقی وزیر اور چیئرمین این سی اسی اسد عمر کی پریس کانفرنس

ثنااللہ ناگرہ منگل 14 ستمبر 2021 21:07

این سی اوسی کا لاہور سمیت 6 اضلاع میں 22 ستمبر تک کورونا بندشیں قائم رکھنے ..

اسلام آباد (اردوپوائنٹ اخبارتازہ ترین۔ 14ستمبر2021ء) وفاقی وزیر منصوبہ بندی اور چیئرمین این سی اسی اسد عمر نے کہا ہے کہ کورونا صورتحال میں بہتری پر18اضلاع میں سکول کھولنے کا اعلان کردیا، ان اضلاع میں 16ستمبر سے 50فیصد حاضری کے ساتھ سکول کھل جائیں گے، لاہور سمیت 6اضلاع میں سکول کھولنے اور پابندیاں اٹھانے کا فیصلہ 21ستمبر کو کیا جائے گا۔

انہوں نے پریس کانفرنس کرتے ہوئے کہا کہ ملک کے ہسپتالوں میں انتہائی نگہداشت کی وارڈز میں کوویڈ19 کے مریضوں کا دباؤ ہے، کوشش ہے آکسیجن کی فراہمی میں رکاوٹ نہ آئے، چند ہفتے کے دوران آکسیجن کی طلب میں اضافہ ہوا، وبا کی صورتحال بہتر ہوئی ہے مگر خطرہ مکمل طور پر ختم نہیں ہوا، کوویڈ19 کے 5300 مریض ہسپتالوں میں آکسیجن پر ہیں، لاپرواہی، ایس او پیز کو نظرانداز کرنا کورونا کیسز میں اضافے کا باعث بنا ہے۔

(جاری ہے)

اسد عمر نے کہا کہ 24میں سے 18اضلاع میں وبا کی صورتحال میں بہتری آئی ہے، 6 اضلاع میں بندشیں قائم رہیں گی، ان اضلاع میں لاہور، فیصل آباد، ملتان، سرگودھا، گجرات اور بنوں شامل ہیں۔

وفاقی وزیر اور چئرمین این سی او سی اسد عمر کا 18 اضلاع میں 16 ستمبر سے سکول کھولنے کا اعلان۔۔لاہور سمیت پنجاب کے 5 اور خیبرپختونخوا کے ایک ضلع میں22 ستمبر تک کورونا بندشیں قائم رہیں گی @Asad_Umar @OfficialNcoc pic.twitter.com/WaZNmpact0
— Sanaullah Nagra🇵🇰 (@sana1nagra) September 14, 2021

6 اضلاع میں آؤٹ ڈور ڈائننگ کا ٹائم بڑھا کر 12 بجے تک کیا جا رہا ہے۔ انہوں نے کہا کہ ہم نے ملک کے 24 اضلاع میں کیسز کی تعداد کے پیش نظر 4 سے 15 ستمبر تک زائد بندشیں عائد کی تھیں، مذکورہ 18 اضلاع میں بھی کورونا پابندیاں قائم رکھیں گی جس طرح ملک کے دیگر حصوں میں نافذ ہیں جبکہ دیگر 6 اضلاع میں زائد بندشیں قائم رہیں گی۔

ملک کے 24 اضلاع میں سے 18 اضلاع میں کورونا کی صورتحال میں بہتری آئی ہے، ان اضلاع میں کورونا پابندیاں نرم کردی ہیں، ان اضلاع کے اندر 50 فیصد حاضری کے ساتھ سکول کھول دیے جائیں گے۔ انٹر بس سروس کو بھی 50 فیصد مسافروں کے ساتھ چلانے کی اجازت ہوگی۔پارکس اور جمز بھی مکمل ویکسی نیٹڈ افراد کیلئے کھول دیے جائیں گے۔ اس کے برعکس این سی اوسی نے 6 اضلاع میں پہلے کی طرح بندشیں جاری رکھنے کا فیصلہ کیا ہے، ان 6 اضلا ع میں پنجاب سے لاہور ، فیصل آباد، ملتان، سرگودھا اور گجرات شامل ہیں، جبکہ خیبرپختونخواہ کا ایک ضلع بنوں شامل ہے۔

ان 6 اضلاع میں ایک ہفتے کیلئے 16ستمبر سے 22 ستمبر تک کورونا بندشیں قائم رہیں گی، 21 ستمبر کو دوبارہ این سی اوسی کے اجلاس میں ان 6 اضلاع میں کورونا کی صورتحال کا دوبارہ جائزہ لیا جائے گا۔ ان 6 اضلاع میں آؤٹ ڈور ڈائننگ کا ٹائم بڑھا کررات 10 بجے تک کیا جارہا ہے،عوامی اجتماعات میں صرف 400 لوگوں کو شرکت کی اجازت ہوگی۔ 30 ستمبر تک دونوں ڈوز نہ لگوانے والوں پر سخت پابندیاں لگائی جائیں گی، ویکسین نہ لگوانے والے شہریوں کیلئے آہستہ آہستہ پابندیاں بڑھاتے چلے جائیں گے، ایسے کام جس سے وہ دوسروں کیلئے خطرہ بن سکتے ہیں ان سے روکنا شروع کردیں گے، آہستہ آہستہ وبا کا پھیلاؤ نیچے آرہا ہے ، مثبت کیسز کی شرح میں کمی ہورہی ہے، چوتھی لہر کمزور پڑتی نظر آرہی ہے، آئندہ 15 روز میں رجحان میں مزید استحکام آئے گا، کورونا کیسز میں کمی آئیگی جس سے ہسپتالوں پر دباؤ کم ہوگا، بڑے شہروں میں 15 سال سے زائد عمر کی 40 فیصد آبادی ہے جسے مکمل طور پر ویکسینیٹ کرنا ہے، یہ ہدف حاصل کرلیں تو ستمبر کے آخر میں بندشوں میں مزید کمی کریں گے۔