Live Updates

کیوی ٹیم کے دورہ پاکستان کی منسوخی پر سرفراز احمد قومی ٹیم اور شائقین کرکٹ کی ہمت بندھانے کیلئے میدان میں آگئے

"تم ہو ایک زندہ و جاوید روایت کے چراغ ، تم کوئی شام کا سورج ہو کہ ڈھل جاو گے"، مشکل گھڑی ہے لیکن ہمارا عزم ان مشکلات سے بڑا ہے: سابق کپتان کا ٹوئٹ

محمد علی جمعہ 17 ستمبر 2021 19:36

راولپنڈی (اردو پوائنٹ تازہ ترین اخبار ۔ 17 ستمبر 2021ء ) کیوی ٹیم کے دورہ پاکستان کی منسوخی پر سرفراز احمد قومی ٹیم اور شائقین کرکٹ کی ہمت بندھانے کیلئے میدان میں آگئے۔ تفصیلات کے مطابق نیوزی لینڈ کرکٹ ٹیم کے دورہ پاکستان کی منسوخی پر سابق کپتان سرفراز احمد کی جانب سے ردعمل دیا گیا ہے۔

تم ہو ایک زندہ و جاوید روایت کے چراغ
تم کوئی شام کا سورج ہو کہ ڈھل جاو گے۔۔

مشکل گھڑی ہے لیکن ہمارا عزم ان مشکلات سے بڑا ہے #پاکستان_زندہ_باد
— Sarfaraz Ahmed (@SarfarazA_54) September 17, 2021

سرفراز احمد نے اپنے ٹوئٹ میں لکھا کہ "تم ہو ایک زندہ و جاوید روایت کے چراغ ، تم کوئی شام کا سورج ہو کہ ڈھل جاو گے"، مشکل گھڑی ہے لیکن ہمارا عزم ان مشکلات سے بڑا ہے۔

دوسری جانب نیوزی لینڈ کے اچانک فیصلے سے جہاں کرکٹ کے شوقین افراد کو دھچکا پہنچا وہیں نیوزی لینڈ کے اچانک سیریز منسوخ کرنے پر غیر ملکی کرکٹرز بھی حیران رہ گئے۔ ویسٹ انڈیز کرکٹر روتھرفورڈ نے بھی افسوس کا اظہار کیا ہے۔

(جاری ہے)

انہوں نے سماجی رابطے کی ویب سائٹ ٹویٹر پر ٹوئٹ کرتے ہوئے کہا کہ پاک نیوزی لینڈ سیریز ختم ہونا افسوسناک ہے، میں کئی ممالک گیا ہوں، پاکستان کرکٹ کے لیے محفوظ ترین ملک ہے، پاکستانی دوستوں کے لیے سیریز ختم ہونا اچھی خبر نہیں ہے۔

❌ Could not extract embed code.

۔
جبکہ اس تمام صورتحال میں پاکستان کرکٹ بورڈ کے چیئرمین رمیز راجہ نے آئی سی سی جانے کا اعلان کردیا ہے ۔

Crazy day it has been! Feel so sorry for the fans and our players. Walking out of the tour by taking a unilateral approach on a security threat is very frustrating. Especially when it’s not shared!! Which world is NZ living in??NZ will hear us at ICC.
— Ramiz Raja (@iramizraja) September 17, 2021

اپنے ٹویٹ میں رمیز راجہ نے لکھا کہ ’’ آج کا دن ہیجان انگیز رہا! شائقین اور ہمارے کھلاڑیوں کے لیے بہت افسوس ناک دن ہے، سکیورٹی کے خطرے پر یکطرفہ انداز اپناتے ہوئے دورے کو منسوخ کرنا بہت مایوس کن ہے بالخصوص تب جب معلومات کا تبادلہ بھی نہ کیا گیا ہو، نیوزی لینڈ کس دنیا میں رہ رہا ہے؟ اب وہ ہمیں آئی سی سی میں سنے گا‘‘۔

یاد رہے کہ پاکستان اور نیوزی لینڈ کے درمیان 3 ایک روزہ میچوں کی سیریز کا پہلا میچ آج راولپنڈی سٹیڈیم میں دوپہر ڈھائی بجے شروع ہونا تھا اور پاکستان 18 سال بعد اپنی سرزمین پر نیوزی لینڈ ٹیم کی میزبانی کے لیے تیار تھا تاہم اچانک مہمان ٹیم کی کرکٹ بورڈ نے دورہ ختم کرکے ٹیم کو واپس بلانے کا اعلان کردیا۔ اس حوالے سے پاکستان کرکٹ بورڈ نے بتایا کہ نیوزی لینڈ کی ٹیم اور آفیشلز کو فول پروف سکیورٹی فراہم کی گئی تھی جس پر انھوں نے اطمینان کا اظہار بھی کیا تھا تاہم اچانک نیوزی لینڈ کرکٹ بورڈ نے دورہ منسوخ کردیا۔

پی سی بی کے مطابق نیوزی لینڈ کرکٹ بورڈ نے صبح بتایا کہ انھیں سیکیورٹی خدشات کے حوالے سے الرٹ موصول ہوئے ہیں جس کے باعث دورہ پاکستان منسوخ کرنا ہوگا اور ٹیم کو واپس وطن بھیج دیا جائے۔ پاکستان کرکٹ بورڈ کی جانب سے جاری بیان میں کہا گیا ہے کہ ہم دورے کو شیڈول کے مطابق جاری رکھنا چاہتے ہیں اور تمام انتظامات بھی مکمل ہیں لیکن آخری لمحے میں نیوزی لینڈ کے فیصلے سے کرکٹ کے شائقین کو مایوسی ہوئی ہے۔