کراچی(اُردو پوائنٹ اخبارتازہ ترین - این این آئی۔ 23 ستمبر2021ء)
سندھ کابینہ نے وفاقی کابینہ کے الٹرنیٹیو اینڈ ری نیوایبل(اے آر ای)پالیسی 2019 میں یکطرفہ ترمیم کے فیصلے پر شدید تحفظات کا اظہار کیا ہے، جس کے تحت مشترکہ مفادات کونسل (سی سی آئی)کی جانب سے منظور کیے گئے
سندھ حکومت کے متعدد سستے متبادل توانائی منصوبوں کو خارج کردیاگیا ہے اور مہنگے ہائیڈرو پاور پراجیکٹس شامل کیے ہیں جس پر کابینہ نے اس معاملے کو مشترکہ
پارلیمنٹ میں بھیجنے کا فیصلہ کیا۔
وفاقی کابینہ یا کابینہ کمیٹی برائے توانائی سی سی آئی کی جانب سے منظور کردہ کسی بھی پالیسی میں ترمیم کرنے کی مجاز نہیں ہے لہٰذا ہم اس معاملے کو بحث کے لیے مشترکہ
پارلیمنٹ کو ریفر کریں گے،جیسا کہ ہم
مردم شماری کے معاملے کو پہلے ہی ریفر کرچکے ہیں۔
(جاری ہے)
یہ بات وزیراعلی سندھ سید مراد علی شاہ نے جمعرات کو یہاں وزیراعلی ہائوس میں کابینہ کے اجلاس کی صدارت کرتے ہوئے کہی۔
اجلاس میں تمام صوبائی وزرا ، مشیران ، معاونین خصوصی ، چیف سیکرٹری ممتاز شاہ ، چیئرپرسن پی اینڈ ڈی شیرین ناریجو اور متعلقہ سیکرٹریز نے شرکت کی۔ وزیر توانائی امتیاز شیخ نے کابینہ کو بریفنگ دیتے ہوئے کہا کہ این ٹی ڈی سی نے اپریل 2020 میں انڈیکیٹیو جنریشن کیپیسٹی ایکسپینشن پلان (آئی جی سی ای پی)2047 کچھ مفروضوں کی بنیاد پر جمع کرایا تھا لیکن
نیپرا کے اعتراضات پر اسے واپس لے لیا گیا۔
انہوں نے مزید کہا کہ عوامی
سماعت کے بعد
نیپرا نے این ٹی ڈی سی کو منصوبے کو اپ ڈیٹ کرنے کی ہدایت کی۔ وزارت توانائی (ایم او ای) - پاور ڈویژن نے آئی جی سی ای پی30-2021 مفروضہ کابینہ کمیٹی برائے توانائی (سی سی او ای) کو 20 اپریل 2021 کو پیش کیا اور 22 اپریل 2021 کو اس کی منظوری دی گئی۔ آئی جی سی ای پی 2021 - 30 کو CCoE کے منظور شدہ مفروضے کی بنیاد پر تشکیل دیا گیا تھا ، جن میں پلاننگ ٹول PLEXOS کا استعمال کرتے ہوئے تمام موجودہ اورکمیٹڈاور کینڈیڈیس پاور پلانٹس پر غور کیا گیا تھا۔
اجلاس کو بتایا گیا کہ سی سی آئی نے اپنے 47 ویں اجلاس میں 21 جون 2021 کو نیشنل الیکٹرک پالیسی (نیپ)کی منظوری دی تھی جس میں یہ حکم دیا گیا کہ آئی جی سی ای پی 30-2021 مفروضات کو سی سی آئی منظور کرے گی۔ اس کے مطابق ، ان پٹس/کمنٹس کے لیے صوبوں کے درمیان مفروضات کو تقسیم کیا گیا تاکہ اس پر عملدرآمد/غور کیا جا سکے۔محکمہ توانائی
سندھ نے کہاکہ
بجلی کی اصل لوڈ شیڈنگ کے اثرات کو شامل کرنا۔
وفاقی حکومت PSDP کے علاوہ جس میں PC-I کی منظوری اور فنڈنگ محفوظ ہے (مارچ 2021 تک)صوبائی پبلک سیکٹر کے پراجیکٹس جن میں ایکنک کا پی سی ون منظور شدہ ہے جیسا کہ
ورلڈ بینک کے مالی تعاون سے 400 میگاواٹ کے سولر انرجی کی ترقی کے لیے
سندھ سولر انرجی پراجیکٹ پر بھی غور کیا جائے گیا۔ گورنمنٹ ٹو گورنمنٹ (G2G) پاور جنریشن پراجیکٹس جو وفاقی حکومت کے بین الاقوامی (دو طرفہ یا کثیر الجہتی) کے تحت درج ہیں ، صوبوں میں CPEC کے کمٹمنٹس کو بھی شامل کرنا چاہیے۔
تھر کول پر مبنی پاور پروجیکٹس جس کے لیے کوئلے کی بڑے پیمانے پر ریسرچ کے لیے متعلقہ کان کنی کی لیز پر دستخط کیے گئے ہیں۔ اس کے علاوہ ونڈ ، سولر ، بگاس جو کہ CCoE کے 4 اپریل 2019 کے فیصلے کے زمرہ I اور II میں شامل کیے گئے ہیں ۔
سندھ میں 275 میگاواٹ کی مجموعی صلاحیت کے پانچ ونڈ کے منصوبے ہیں۔ وزیراعلی
سندھ سید مراد علی شاہ نے کہا کہ ان کی حکومت کو یقین ہے کہ سی سی او ای یا وفاقی کابینہ سی سی آئی کی جانب سے منظور کیے گئے اے آر ای پالیسی 2019 میں یکطرفہ ترمیم کرسکتی ہے ۔
انہوں نے مزید کہا کہ ہائیڈرو ARE پالیسی 2019 کا حصہ نہیں تھا۔ ARE پالیسی 2019 کا دائرہ
کار بائیو
گیس ، بائیوماس ، فضلہ سے توانائی ، جیوتھرمل ، ہائیڈروجن ، مصنوعی
گیس ، سمندر/سمندری لہر توانائی ، شمسی ، اسٹوریج ٹیکنالوجیز پر محیط ہے۔ انہوں نے وضاحت کی کہ یہ سب ونڈ اور ہائبرڈ ٹیکنالوجیز ہیں۔ وزیراعلی
سندھ نے کہا کہ ARE پالیسی 2019 میں ہائیڈل پاور کو یکطرفہ طور پر شامل کرنے سے پالیسی کا سارا ڈھانچہ تباہ ہو جائے گا جو کم از کم لاگت اور مسابقتی بولی کے اصولوں پر مبنی تھی۔
لہذا ہائیڈرو پروجیکٹس کے لیے الگ پالیسی اور اہداف متعارف کرائے جانے چاہئیں۔ کابینہ کو بتایا گیا کہ 6 ستمبر 2021 کو ہونے والے 48 ویں سی سی آئی اجلاس میں جس میں
سندھ حکومت نے آئی جی سی ای سی پی کی تجویز پیش کرنے کے طریقے اور طریقہ
کار پر واضح اعتراض کیا تھا کہ وہ کس طرح ری نیوایبل انرجی مثلا ونڈ اور شمسی جیسے سستی
بجلی کے آپشن کو نظر انداز کرسکتے ہیں۔
واضح رہے کہ جب وزیراعلی
سندھ نے یہ مسئلہ اٹھایا کہ ARE پالیسی 2019 میں IGCEP 2021 کے ذریعے ترمیم کی جا رہی ہے جس کے تحت ہائیڈل کو RE کا حصہ بنایا جا رہا ہے جبکہ یہ ARE پالیسی ، 2019 میں RE کا حصہ نہیں تھا۔ 13 ستمبر 2021 کو جاری ہونے والے CCI کے 48 ویں اجلاس کے منٹس میں غلطی سے ذکر کیا گیا کہ
سندھ سمیت مختلف صوبوں کے اعتراضات کے باوجود متنازعہ IGCEP کو منظور کرنے کا فیصلہ متفقہ طور پر کیا گیا۔
کابینہ نے مکمل بحث و مباحثے کے بعد اس معاملے کو مشترکہ
پارلیمنٹ میں بھیجنے کا فیصلہ کیا جیسا کہ
مردم شماری کی منظوری کا معاملہ ہے۔وزیر ٹرانسپورٹ اویس قادر شاہ نے کابینہ کو بتایا کہ وزیراعلی
سندھ نے
سندھ انٹرا ڈسٹرکٹ پیپلز بس سروس کے تحت
کراچی ، حیدرآباد ، سکھر ، لاڑکانہ ، میرپورخاص اور
شہید بینظیر آباد اضلاع کیلئے 250
ڈیزل ہائبرڈ الیکٹرک بسوں کی خریداری کی پہلے ہی 21-2020میں 8 ارب روپے اور 22-2021میں 6.4 ارب روپے مختص کیے ہیں۔
کابینہ نے این آر ٹی سی کو دسمبر 2021 تک بسیں خریدنے اور ڈپوز اور بس اسٹاپس کے قیام اور بسوں کو چلانے جیسے انفرااسٹرکچر کی ترقی پر 3 ارب روپے کی سرمایہ کاری کی منظوری دی۔ وزیراعلی
سندھ نے اسے صوبے کے لوگوں بالخصوص شہر کیلئے اچھی خبر قرار دیا۔وزیراعلی
سندھ کے مشیر برائے زراعت
منظور وسان نے کابینہ کو بتایا کہ وفاقی حکومت نے خریف کی فصل 2021 کے دوران کسانوں کو سبسڈی کی منظوری دے دی ہے۔
انھوں نے کہا کہ چاول اور کپاس کیلئے کھاد (بی اے پی) 1500 روپے فی ایکڑ کے حساب دی جائے گی جس میں وفاقی حکومت کا حصہ 75 فیصد یعنی 2.7 ارب روپے اور صوبائی حکومت کا حصہ 25 فیصد یعنی 902 ملین روپے ہے۔اسی طرح کپاس اور چاول کے بیچ پر 1200 روپے فی ایکڑ اور سفید مکھی کو کنٹرول کیلئے 1200 روپے فی ایکڑ دئے جائیں گے۔
منظور وسان نے بتایا کہ بورڈ آف ریونیو (بی او آر)نے کاشتکاروں کا ڈیٹا اکٹھا کیا ہے اور کاشتکاروں کو دو حصوں میں تقسیم کیا گیا ہے - 1 سے 16 ایکڑ اور 16 سے 50 ایکڑ۔
انہوں نے کہا کہ
سندھ بینک نے ایک ای -کارڈ ڈیزائن کیا ہے اور سبسڈی دینے کیلئے نامزد برانچوں کی فہرست پیش کی ہے۔ انہوں نے ای -کارڈ کا نام پیپلز ہاری کارڈ رکھنے کی تجویز پیش کی جسے کابینہ نے منظور کیا۔ وزیر خوراک مکیش کمار چائولہ نے کابینہ کو بتایا کہ نوشہرفیروز اور کشمور کے گوداموں میں 33917.41 ٹن گندم پڑی ہے جہاں متعلقہ محکمہ خوراک کے افسران نے محکمہ کی منظوری کے بغیر اناج کو ذخیرہ کیا ۔
اس لیے نیب نے گوداموں کو سیل کر دیا ہے اور گندم اٹھانے کی اجازت نہیں دے رہا ہے۔ مکیش کمار چاولہ نے کہا کہ اگر گندم کو نہ اٹھایا گیا تو اناج بہت بری طرح متاثر ہوجائے گا۔ کابینہ نے وزیر خوراک کو نیب سے بات کرنے اور اناج جاری کرنے کا اختیار دے دیا۔ مقامی حکومت کی درخواست پر کابینہ نے
کراچی میٹروپولیٹن کارپوریشن (کے ایم سی)کو
بجلی کے بلوں کے ذریعے کنزروینسی اور فائر ٹیکسز کی وصولی کیلئے
کے الیکٹرک کے ساتھ ایم او یو پر دستخط کرنے کی اجازت دی۔
ایڈمنسٹریٹر کے ایم سی مرتضی وہاب نے کابینہ کو ٹیکسوں کی مجوزہ وصولی سے متعلق آگاہ کیا اور کہا کہ انکی شرح میں کمی کی جائے گی تاکہ شہریوں پر کم سے کم بوجھ ڈالا جا سکے۔ انہوں نے مزید کہا کہ ان کا مقصد کے ایم سی کو مالی طور پر مضبوط بنانا ہے۔کابینہ کو بتایا گیا کہ پاک
-چین سفارتی تعلقات کی 70 ویں سالگرہ کی یاد میں
سندھ حکومت نے
سندھ اور
چین کے صوبہ ہوبائی کے درمیان بطور سسٹر صوبہ ڈکلیئر کرنے کا فیصلہ کیا ہے۔
کابینہ نے
کراچی اور شین یانگ ، تیانجن اور چونگ کنگ میونسپلٹیز کے درمیان سسٹر سٹی تعلقات کی منظوری دی۔ بدین اور سکھر کے درمیان سسٹر سٹی کا تعلق کنمنگ کے ساتھ اور ٹھٹھہ اور ژیان جیانگ کے درمیان سسٹر سٹی تعلقات ہیں۔ کابینہ نے خان چورنگی ، کلفٹن کو بطور پاک
-چین دوستی چوک کے طور پر ترقی دینے کی منظوری دی۔کابینہ نے ایجوکیشن سٹی ایکٹ 2013 میں ترمیم کرتے ہوئے وزیراعلی
سندھ کی جگہ بطور چیئرمین ایجوکیشن سٹی بورڈ مقرر کرنے کی منظوری دی کیوں کہ وزیراعلی
سندھ اپنے مصروف شیڈول کے باعث ایجوکیشن سٹی بورڈ کے اجلاس منعقد نہیں کر سکتے ہیں۔
