Live Updates

سندھ میں پیپلزپارٹی بلدیاتی انتخابات کرانے جارہی ہے،اعجاز جاکھرانی

منگل 12 اکتوبر 2021 19:19

سکھر(اُردو پوائنٹ اخبارتازہ ترین - این این آئی۔ 12 اکتوبر2021ء) مشیرجیل خانہ جات سندھ اعجاز جکھرانی نے کہاہے کہ سندھ میں پیپلزپارٹی بلدیاتی انتخابات کرانے جارہی ہے جو فروری اور مارچ میں دو مراحل میں ہونگے سکھرمیں احتساب عدالت میں دائر ریفرنس کی سماعت کے بعد میڈیا سے گفتگو کرتے ہوئے کیا ان کا مزیدکہنا تھا کہ نیب کو سیاسی مقاصد کے لیے استعمال کیا جارہاہے وہ جس طرح کاروائی کررہاہے اس کے پاس تو ثبوت بھی نہیں ہوتے مگر وہ ریفرنس دائر کرتے ہیں اور لوگ بے چارے عدالتوں کے چکر کاٹتے ہیں انہوں نے کہا کے حکومت نے صدارتی آرڈیننس لاکر چینی ،بجلی اور گیس سمیت بڑے بڑے اسکینڈلز میں ملوث اپنے لوگوں کو بچالیا ہے اب نیب ان کے خلاف کاروائی نہیں کرسکتا جب نیب کابینہ ،ای سی سی کے فیصلوں اور بڑے بڑے حکومتی اسکینڈلز پر کاروائی نہیں کرسکتا تو اسے قائم رکھنے کا کیا فائدہ ہے صرف اور صرف اسے مخالفین کے خلاف استعمال۔

(جاری ہے)

کیا جارہاہے ان کا کہنا تھا کہ عمران خان دعوے کرتاتھا کہ اگر ملک میں پیٹرول مہنگا ہوتو سمجھو لیڈر چور ہے تو اب کیا ہم سمجھیں کہ لیڈر چور ہے اور چور اس ملک پر حکومت کررہاہے ان کا کہنا تھا کہ وقت آرہاہے کہ لوگوں کے پاس اس حکومت کے خلاف سڑکوں پر آنے کے علاوہ کوئی چوائس باقی نہیں بچے گی ان کا کہنا تھاکہ پیپلزپارٹی نے مہنگائی ،بے روزگاری ،بجلی اور گیس کی لوڈ شیڈنگ کے خلاف سندھ میں ضلعی ہیڈکوارٹرز میں مظاہرے کیے ہیں اور وہ اسمبلی کے اندر اور باہر ان مسائل پر احتجاج کرتی رہے گی ان کا کہناتھاکہ میں نہیں سمجھتا کہ یہ حکومت پینڈورا لیکس پر بھی کچھ کرے گی کیونکہ اس میں زیادہ تر حکومتی لوگوں کے نام آئے ہیں تو یہ تحقیقات کے حوالے سے بھی کوئی نہ کوئی بہانہ کرلیں گے۔