Live Updates

بابراعظم نے اپنی 27 ویں سالگرہ 36 ہزار فٹ بلندی پر منائی

کیک پر بیٹ، گیند بنی ہوئی تھی، بابرکو کِنگ بتاتے ہوئے تاج بھی بنا ہوا تھا ، انکے پسندیدہ آئی فون، آئی پوڈز،کار کی شکل بھی کیک کا حصہ تھے

ذیشان مہتاب ہفتہ 16 اکتوبر 2021 12:17

بابراعظم نے اپنی 27 ویں سالگرہ 36 ہزار فٹ بلندی پر منائی

لاہور (اردو پوائنٹ تازہ ترین اخبار ۔ 16 اکتوبر 2021ء ) پاکستانی کرکٹ ٹیم کے کپتان بابراعظم نے دبئی روانگی سے قبل لاہور ائیر پورٹ پر بھی سالگرہ منائی ۔2015ء سے اب تک 35 ٹیسٹ، 83 ون ڈے اور 61 ٹی ٹونٹی میچز میں پاکستان کی نمائندگی کرنے والے بابراعظم 15 اکتوبر 1994ء کو لاہور میں پیدا ہوئے ، انہوں نے اپنی 27 ویں سالگرہ کا کیک خصوصی طیارے میں 36 ہزار فٹ کی بلندیوں پر ساتھی کرکٹرز کے ساتھ کاٹا جس میں ساتھی کرکٹرز کے علاوہ ٹیم آفیشلز اور پلیئرز کی فیملی کے اراکین بھی شریک ہوئے ۔

(جاری ہے)

پی سی بی نے اس تقریب کے مناظر جاری کئے جس میں ان کی تمام پسندیدہ چیزوں کو کیک کی شکل دی گئی ، کیک پر بیٹ اور گیند بھی بنی ہوئی تھی، بابرکو کِنگ بتاتے ہوئے تاج بھی بنا ہوا تھا ، اس کے علاوہ بابر کے پسندیدہ آئی فون، آئی پوڈز اورکار کی شکل بھی کیک کا حصہ تھے ۔

A special birthday celebration of a very special player!@babarazam258 ✈️🎂 pic.twitter.com/yrYTpbHk6o
— Pakistan Cricket (@TheRealPCB) October 15, 2021