سیاست کرکٹ سے جتنی دور رہے اچھا ہے، رمیز راجہ

پیر 18 اکتوبر 2021 21:04

لاہور(اُردو پوائنٹ اخبارتازہ ترین - این این آئی۔ 18 اکتوبر2021ء) پاکستان کرکٹ بورڈ کے چیئرمین رمیز راجہ نے کہا ہے کہ سیاست کرکٹ سے جتنی دور رہے اتنا اچھا ہے اور ہم بھارت کے خلاف میچ جیتیں گے۔پاکستان کرکٹ بورڈ (پی سی بی) کے چیئرمین رمیز راجہ نے میڈیا سے گفتگو میں کہا کہ ایشین کرکٹ کونسل (اے سی سی) کے اجلاس میں پہلی بار گیا اور اجلاس میں آئندہ ایونٹس پر بات چیت ہوئی۔

اجلاس میں پاکستان کو ایک 50 اوورز کے ٹورنامنٹ کی میزبانی ملی ہے۔

(جاری ہے)

انہوں نے کہا کہ ہم اس ٹورنامنٹ کو منظم انداز میں کرائیں گے اور اے سی سی کا مقصد ایشین بلاک کے مسائل کے لیے آواز اٹھانا تھا۔رمیز راجہ نے کہا کہ اے سی سی کا بہت اچھا بانڈنگ سیشن تھا جہاں میری سورو گنگولی سے ملاقات ہوئی میرا سورو گنگولی کے ساتھ کمفرٹ لیول ہے اور ملاقاتوں میں اچھی بات چیت ہوئی۔انہوں نے کہا کہ سیاست کرکٹ سے جتنی دور رہے اتنا ہی اچھا ہے۔ پاکستان اور بھارت کا میچ آ رہا ہے اور سب اس کے پیچھے کھڑے رہیں۔ انشاء اللہ ہم بھارت کے خلاف میچ جیتیں گے۔

Facebook Twitter Google + Share on Whatsapp

سیاست کرکٹ سے جتنی دور رہے اچھا ہے، رمیز راجہ

متعلقہ عنوان :

مزید کھیلوں کی خبریں