Live Updates

وزیر اوقاف و مذہبی امور سید سعید الحسن شاہ کی پنجاب اسمبلی چیمبرز میں اپنے آبائی حلقہ سے آئے وفد سے ملا قات

منگل 26 اکتوبر 2021 21:51

وزیر اوقاف و مذہبی امور سید سعید الحسن شاہ کی پنجاب اسمبلی چیمبرز میں ..
لاہور (اُردو پوائنٹ اخبارتازہ ترین - آن لائن۔ 26 اکتوبر2021ء) وزیر اوقاف و مذہبی امور سید سعید الحسن شاہ نے پنجاب اسمبلی چیمبرز میں اپنے آبائی حلقہ سے آئے وفد سے ملا قات میں کہا ہے کہ وزیراعلیٰ پنجاب کی ہدایت پر صوبہ کے شہریوں کو ان کی دہلیز پر کورونا ویکسین لگانے کی خصوصی مہم پنجاب کے تمام اضلاع میں شروع ہوچکی ہے۔ کورونا ویکسینیشن کی خصوصی مہم 12 نومبر تک جاری رہے گی اور روزانہ تقریباً 10 لاکھ شہریوں کو ویکسین لگانے کا ہدف مقرر کیا گیا ہے۔

انہوں نے کہا کہ پنجاب کو کورونا کے باعث بڑے پیمانے پر جانی و مالی نقصان کا سامنا کرنا پڑا ہے۔پنجاب میں اب تک تقریباً 13 ہزار سے زائد افراد کورونا سے جاں بحق ہو چکے ہیںجس کی وجہ سے پنجاب کی معیشت کو تقریباً 650ارب روپے کا مالی نقصان اٹھانا پڑا ۔

(جاری ہے)

اسی جانی و مالی نقصان سے محفوظ رہنے کیلئے ویکسینیشن اور احتیاط انتہائی ضروری ہے۔پنجاب حکومت نے شہریوں کی زندگیوں کے تحفظ کیلئے بڑے پیمانے پر ویکسینیشن مہم شروع کی ہے۔

شہریوں کو ان کے گھروں میں جا کر کورونا ویکسین لگائی جارہی ہے۔ ریڈ ویکسینیشن مہم کو کامیاب بنانے کیلئے صوبہ بھرمیں 14ہزارنئے ویکسی نیشن سنٹرزقائم کئے گئے ہیں۔شہریوں کو ان کی دہلیز پر ویکسیشنیشن کیلئے 18ہزار ٹیمیں تشکیل دی گئی ہیں جنہوں نے اپنی خدمات کا عمل شروع کر دیا ہے۔خصوصی ٹیمیں ہر محلے اور گاؤں میں جا کرمفت ویکسین لگارہی ہیں۔

ضلعی انتظامیہ اور ڈسٹرکٹ ہیلتھ اتھارٹیز اس مہم کو کامیاب بنانے کیلئے مشترکہ کاوشیں کررہی ہیں۔ تما م صوبائی وزراء،منتخب نمائندگان اور سماجی کارکنوں کو بھی مہم کی کامیابی کیلئے ذمہ داریاں سونپی گئی ہیں۔ کورونا سے نجات کا واحد حل ویکسینیشن ہی ہے۔انہوں نے عوام سے اپیل کرتے ہوئے کہا ہے کہ ویکسین لازمی لگوائیں تاکہ اپنی اور خاندان کی زندگیوں کو محفوظ بنا یا جا سکے ۔
Live کرونا کی نئی قسم اومیکرون کا پھیلاو سے متعلق تازہ ترین معلومات