واشنگٹن(اُردو پوائنٹ اخبارتازہ ترین - آن لائن۔ 28 اکتوبر2021ء) سابق امریکی
صدارتی امیدوار، سینیٹر اور سیکریٹری خارجہ ہیلری کلٹن کی مسلمان سیکریٹری 45 سالہ ہما عابدین نے اپنی سوانح عمری میں انکشاف کیا ہے کہ ماضی میں ایک سینیٹر نے ان کے ساتھ دست درازی کی۔برطانوی اخبار ’دی گارجین‘ کے مطابق ہما عابدین نے اپنی جلد شائع ہونے والی سوانح عمری میں کئی انکشافات سے پردہ اٹھایا ہے جب کہ انہوں نے اپنے ساتھ جنسی ہراسانی کے واقعے پر بھی کھل کر بات کی ہے۔
ہما عابدین کی سوانح عمری ’باتھ اینڈ: اے لائف ان مینی ورلڈز‘ (Both/And: A Life in Many Worlds) ا?ئندہ ہفتے شائع ہوگی، تاہم برطانوی اخبار نے اس کی کاپی پہلے ہی حاصل کر رکھی تھی۔اخبار نے ہما عابدین کی سوانح عمری کے کچھ اقتسابات سے متعلق شائع رپورٹ میں بتایا کہ کہ
ہیلری کلنٹن کی سیکریٹری نے اس سینیٹر کا نام صیغہ راز رکھا ہے، جنہوں نے ان کے ساتھ دست درازی کی۔
(جاری ہے)
ہما عابدین نے اپنی کتاب میں تقریبا 20 سال پرانا واقعہ بیان کرتیہوئے لکھا ہے کہ انہیں ایک سینیٹر نے اپنی رہائش گاہ پر دستی درازی کا نشانہ بنایا۔ رپورٹ کے مطابق ہما عابدین نے کتاب میں واقعے کا ذکر کرتے ہوئے لکھا ہے کہ مذکورہ سینیٹر نے ایک تقریب کے بعد انہیں ڈراپ کرنے کے دوران گھر چل کر کافی پینے کی پیش کش کی اور جب وہ ان کے گھر گئیں تو سینیٹر حیوانگی پر اتر ا?ئے۔
ہیلری کلنٹن کی سیکریٹری کے مطابق مذکورہ سینیٹر نے گھر پہنچتے ہی اپنی ا?ستین اوپر کرکے ان کے لیے کافی بنائی اور بعد ازاں ان کے انتہائی قریب ا?کر ان کے گلے میں میں بازو ڈال کر انہیں صوفے پر دھکیل دیا۔ہما عابدین لکھتی ہیں کہ سینیٹر نے انہیں بوسہ دینے کے لیے اپنی زبان ان کے منہ میں ڈالنے کی کوشش کی اور اسی دوران ہی انہوں نے پورے زور سے سینیٹر کو دھکا دیا اور وہاں سے چلی ا?ئیں۔
ہیلری کلنٹن کی سیکریٹری نے یہ بھی لکھا ہے کہ ان کی جانب سے سینیٹر کو دھکا دیے جانے کے بعد مذکورہ سینیٹر نے ان سے اسی وقت معافی بھی مانگی۔اپنی کتاب میں انہوں نے
ہیلری کلنٹن کے ساتھ سابق
امریکی صدر
ڈونلڈ ٹرمپ کی تیسری
شادی میں شرکت کا ذکر بھی کیا ہے۔انہوں نے لکھا ہے کہ انہوں نے
ہیلری کلنٹن کے ہمراہ
فلوریڈا کے پام بیچ پر جنوری 2005 میں
ڈونلڈ ٹرمپ اور میلانیا
ٹرمپ کی
شادی میں شرکت کی اور انہیں
شادی میں ایسا لگا جیسے کسی عرب کی
شادی ہو رہی ہو۔
اپنی سوانح عمری میں ہما عابدین نے دیگر سیاسی و متنازع مسائل پر بھی بات کی ہے جب کہ انہوں نے متعدد رازوں سے پردہ بھی اٹھایا ہے۔ہما عابدین متحدہ
ہندوستان نڑاد والدین کے ہاں
امریکی ریاست مشی گن میں پیدا ہوئی تھیں، تاہم وہ والدین کے ہمراہ کم عمری میں ہی
سعودی عرب منتقل ہوگئی تھیں۔ہما عابدین نے اسلامی تعلیمات کی اعلیٰ
تعلیم بھی حاصل کر رکھی ہے، وہ عربی، انگریزی اور اردو سمیت فرینچ زبان پر بھی عبور رکھتی ہیں۔
ہما عابدین نے نوجوانی میں
ہیلری کلنٹن کی سیاسی سیکریٹری کی ذمہ داریاں سبھالیں اور وہ ان کے ساتھ 2016 کے
انتخابات کے بعد تک کام کرتی رہیں۔ہما عابدی نے 2010 میں
امریکی سینیٹر انتھونی وایئنر سے
شادی کی تھی، جن سے انہیں ایک بچہ بھی ہے، تاہم 2015 میں شوہر پر جنسی ہراسانی اور خواتین کے ساتھ جنسی تعلقات کے الزامات سامنے ا?نے کے بعد انہوں نے شوہر سے
طلاق لینے کے لیے
عدالت سے رجوع کیا تھا۔تاہم جنوری 2018 میں انہوں نے شوہر سے صلح کرتے ہوئے
طلاق کی درخواست واپس لی تھی۔
