Live Updates

عامر لیاقت حسین کا وزیراعظم سے کابینہ تحلیل کرنے کا مطالبہ

جو آپ چاہتے ہیں کچھ نو وارد سمجھنے سے قاصر ہیں ، یہ بگڑے دل شہزادے آپ کو سب کی تنقید کا مرکز بنا دیں گے ، کابینہ تحلیل کردیں آپ اکیلے ہی سب کچھ سنبھال سکتے ہیں۔ رکن قومی اسمبلی کا ٹویٹ

ساجد علی جمعہ 29 اکتوبر 2021 11:50

عامر لیاقت حسین کا وزیراعظم سے کابینہ تحلیل کرنے کا مطالبہ

اسلام آباد ( اُردو پوائنٹ اخبارتازہ ترین ۔ 29 اکتوبر 2021ء ) رکن قومی اسمبلی ڈاکٹر عامر لیاقت حسین نے وزیراعظم عمران خان سے کابینہ تحلیل کرنے کا مطالبہ کردیا۔ تفصیلات کے مطابق انہوں نے کہا ہے کہ وزیر اعظم سے ملتمس ہوں کہ کابینہ تحلیل کردیں آپ اکیلے ہی سب کچھ سنبھال سکتے ہیں۔ سماجی رابطوں کی ویب سائٹ ٹوئٹر پر جاری کردہ اپنے ایک بیان میں انہوں نے وزیراعظم عمران خان کو مخاطب کرتے ہوئے کہا کہ آپ ایک دور اندیش اور درست فیصلوں کے داعی ہیں ورنہ یہ بگڑے دل شہزادے آپ کو سب کی تنقید کا مرکز بنا دیں گے کیوں کہ جو آپ چاہتے ہیں کچھ نو وارد سمجھنے سے قاصر ہیں۔

وزیر اعظم سے ملتس ہوں کہ کابینہ تحلیل کردیں آپ اکیلے ہی سب کچھ سنبھال سکتے ہیں آپ ایک دور اندیش اور درست فیصلوں کے داعی ہیں ورنہ یہ بگڑے دل شہزادے آپ کو سب کی تنقید کا مرکز بنا دیں گے جو آپ چاہتے ہیں کچھ نووارد سمجھنے سے قاصر ہیں @ImranKhanPTI
— Aamir Liaquat Husain (@AamirLiaquat) October 29, 2021

یاد رہے کہ پاکستان تحریک انصاف کے رہنما اور رکن قومی اسمبلی ڈاکٹر عامر لیاقت حسین نے استعفیٰ دینے کا اعلان کیا لیکن وجوہات سے آگاہ نہیں کیا ، ایک ٹی وی پروگرام میں بات کرتے ہوئے ڈاکٹر عامر لیاقت حسین نے کہا کہ اسمبلی رکنیت سے استعفیٰ کے ساتھ تحریک انصاف کو بھی چھوڑ چکا ہوں اور مزید دو اراکین بھی بہت جلد مستعفی ہونے والے ہیں۔

(جاری ہے)

انہوں نے کہا کہ اگر میں نے استعفے کی وجہ بتادی تو پورا پاکستان دہل جائے گا اور قیامت آ جائے گی ، عامر لیاقت نے کہا کہ پی ٹی آئی کے انٹرپاس گورنر، علی زیدی اور فیصل وواڈا سمیت رہنماؤں نے کراچی تباہ کر دیا، اب سب کا مقابلہ کروں گا ، جنہیں کراچی کو تباہ کرنا تھا انہوں نے تباہ کردیا اللہ پاکستان کی حفاظت کرے ورنہ جو کچھ ہورہا ہے بہت برا ہورہا ہے۔

ڈاکٹر عامر لیاقت حسین نے کہا کہ وزیراعظم عمران خان کے پاس میرے سے بات کرنے کا وقت نہیں، عمران خان سے محبت ہے انہیں نہیں چھوڑوں گا ، میرا گھر تباہ ہو گیا مگر حکومت نے میرا ساتھ نہیں دیا ، میں نے اپنے کروڑوں روپے کا گھر نیشنل بینک کے پاس گروی رکھا مگر مجھے قرض کے پیسے نہیں دیئے گئے ، مجھے کسی کے کہنے پر قرضہ تک نہیں دیا ، پاکستان تحریک انصاف کراچی میں عمران اسماعیل، علی زیدی اور فیصل واوڈا کے الگ الگ گروپ ہیں، میں نے تو الیکشن جیت کر پیسے نہیں کمائے لیکن باقی لوگوں نے بہت کچھ کمایا ہے۔