خیبر پختونخوا بلدیاتی انتخابات: پشاور میئر کی نشست پر جے یو آئی کو برتری حاصل

غیرحتمی اور غیر سرکاری نتائج کے مطابق پشاورسٹی کونسل میں جمعیت علمائے اسلام، بنوں میں پاکستان تحریک انصاف کے امیدواروں کوبرتری حاصل، ذرائع

دانش احمد انصاری اتوار 19 دسمبر 2021 23:28

خیبر پختونخوا بلدیاتی انتخابات: پشاور میئر کی نشست پر جے یو آئی کو ..

پشاور(اُردو پوائنٹ، اخبار تازہ ترین، 19دسمبر 2021) خیبر پختونخوا بلدیاتی انتخابات، پشاور میئر کی نشست پر جے یو آئی کے امیدوار نے برتری حاصل کرلی، پی ٹی آئی کے امیدوار چند سو ووٹوں سے پیچھے۔ تفصیلات کے مطابق خیبر پختونخوا کے 17 اضلاع میں بلدیاتی انتخابات میں پولنگ کا وقت ختم ہوگیا جس کے بعد نتائج آنے کا سلسلہ جاری ہے۔بلدیاتی انتخابات کیلئے پولنگ صبح 8 بجے شروع ہوئی جو شام 5 بجے تک بغیر کسی وقفے کے جاری رہی۔

دوسری جانب ووٹوں کی گنتی کے بعد مختلف پولنگ اسٹینشز کے نتائج آنے کا سلسلہ بھی شروع ہوگيا۔غیرحتمی اور غیر سرکاری نتائج کے مطابق پشاورسٹی کونسل میں جمعیت علمائے اسلام، بنوں میں پاکستان تحریک انصاف کے امیدواروں کوبرتری حاصل ہے جبکہ مردان میں عوامی نیشنل پارٹی اور کوہاٹ میں آزاد امیدوارکو میئر کی نشست پربرتری حاصل ہے۔

(جاری ہے)

پشاور سٹی کونسل53 پولنگ اسٹیشنز کا غیر سرکاری نتیجے کے مطابق جے یو آئی کے زبیر علی 4523 ووٹ لے کر میئر کی نشست پرآگے ہیں جبکہ پی ٹی آئی کے رضوان بنگش 4274 ووٹ لے کر میئر کی نشست پردوسرے نمبرپر ہیں۔

مردان سٹی کونسل کے 10 پولنگ اسٹیشنز کا غیر سرکاری نتیجے کے مطابق اے این پی کے حمایت اللہ مایار 1708 ووٹ لے کر میئر کی نشست پر آگے ہیں جبکہ جے یو آئی کے امانت شاہ حقانی 1070 ووٹ لے کر دوسرے نمبر پر ہیں۔17 ویلج کونسل کے مکمل نتائجاب تک 17ویلج کونسل کے مکمل نتائج موصول ہوگئے جس کے مطابق 10 آزادامیدوار ویلج کونسل کی نشستوں پرمنتخب ہوئے ہیں۔