وزیراعظم آزاد کشمیر سردار عبدالقیوم نیازی نے اپنے دورہ کوٹلی کے دوران مصروف ترین دن گزارا

ہفتہ 1 جنوری 2022 21:36

کوٹلی (اُردو پوائنٹ اخبارتازہ ترین - این این آئی۔ 01 جنوری2022ء) وزیراعظم آزاد کشمیر سردار عبدالقیوم نیازی نے اپنے دورہ کوٹلی کے دوران مصروف ترین دن گزارا۔گزشتہ روز انہوں نے ممتاز روحانی شخصیت پیرصادق ؒ کے سالانہ عرس مبارک کے موقع پر دربار شریف گلہار حاضری دی اور عرس مبارک کی اختتامی دعا میں شرکت کی۔سجادہ نشین پیر زاہد سلطانی سے خصوصی ملاقات بھی کی۔

(جاری ہے)

بعداز انہوں نے پاکستان تحریک انصاف کے سرگرم کارکن اور صدر آزاد کشمیر کے ہمراہ پبلک ریلیشن آفیسر چوہدری انور شہزاد، پی ٹی آئی کے بانی کارکن سید قمر گیلانی کے والد محترم،ڈاکٹر مالک کی والدہ محترمہ اور خواجہ خالد کی اہلیہ کی وفات پر ان کے گھر جا کر تعزیت اور فاتحہ خوانی کی اور موقع پر ان کے ہمراہ وزیر ہائیر ایجوکیشن ملک ظفر اقبال،وزیر مال چوہدری اخلاق، رہنما تحریک انصاف اصغر قریشی، امیدوار اسمبلی و سینئر رہنما راجہ قیوم،سردار زکریا خان،ایس ایس پی ریٹائرڈ سردار شاداب خان سمیت پارٹی عہدران و کارکنان کی بڑی تعداد موجود تھی۔