کراچی 16 جنوری تک سردی کی لہر کی لپیٹ میں رہے گا، محکمہ موسمیات

منگل 11 جنوری 2022 18:53

کراچی (اُردو پوائنٹ اخبارتازہ ترین - این این آئی۔ 11 جنوری2022ء) کراچی 16 جنوری تک سردی کی لہر کی لپیٹ میں رہے گا، 16جنوری کو مغربی ہواوں کا سلسلہ بلوچستان میں داخل ہونے کا امکان ہے۔محکمہ موسمیات کے چیف میٹرولوجسٹ سردار سرفراز کے مطابق کراچی 16 جنوری تک سردی کی لہر کی لپیٹ میں رہے گا ، اس دوران کم سے کم درجہ حرارت 9 سے 11 ڈگری سینٹی گریڈ کے درمیان رہ سکتا ہے اور شمال مشرق سے سرد ہوائیں چلتی رہیں گی۔

(جاری ہے)

انہوںنے بتایا کہ 16جنوری کو مغربی ہواوں کا سلسلہ بلوچستان میں داخل ہونے کا امکان ہے۔مغربی ہواوں کے سلسلے کے باعث کراچی میں سردی کی شدت میں کمی آجائے گی اور اس کے اثرات ملک کے شمالی حصے میں بارش اور پہاڑوں پر برفباری کی صورت میں نظر آسکتے ہیں۔چیف میٹرولوجسٹ کے مطابق حالیہ موسمیاتی جائزے میں اس سسٹم کے تحت کراچی سمیت سندھ کے حصے میں بارش نظر نہیں آرہی۔انہوں نے بتایا کہ 20 یا 22 جنوری تک مغربی ہواوں کا سلسلہ ملک پر اثر انداز رہے گا۔