صدر آزاد جموں و کشمیر بیرسٹر سلطان محمود چوہدری سے وزیر اعظم سردار عبدالقیوم نیازی کی ملاقات

بدھ 12 جنوری 2022 16:42

اسلام آباد(اُردو پوائنٹ اخبارتازہ ترین - اے پی پی۔ 12 جنوری2022ء) :صدر آزاد جموں و کشمیر بیرسٹر سلطان محمود چوہدری سے وزیر اعظم سردار عبدالقیوم نیازی ملاقات کی۔

(جاری ہے)

ایوان صدر کشمیر ہائوس اسلام آباد میں ہونے والی ملاقات میں دونوں رہنماوں نے مسئلہ کشمیر کو بین الاقوامی سطح جارحانہ انداز میں اٹھانے پر اتفاق کیا جبکہ اسی طرح مقبوضہ کشمیر میں جاری مظالم پر بھرپور مذمت بھی کی گئی اور اس امر کا اعادہ کیا گیا کہ مقبوضہ کشمیر کے عوام کے ساتھ پورے شد و مد کے ساتھ یکجہتی کا اظہار جاری رہے گا اور آزادکشمیر میں سپریم کورٹ کے فیصلے کی روشنی میں جلد بلدیاتی انتخابات کروائے جائیں گے۔

انہوں نے کہا کہ آزادکشمیر میں تعمیر و ترقی کا کام تیزی سے جاری رکھا جائے گا اور میرٹ کو کسی طرح بھی پامال نہیں ہونے دیا جائے گا۔اس موقع پر صدر آزاد جموں و کشمیر بیرسٹر سلطان محمود چوہدری نے کہا کہ جہاں آزاد کشمیر میں تعمیر و ترقی کا کام جاری ہے وہاں گڈ کورننس کا بھی خیال رکھا جا رہا ہے اور ہم مل جل کر آزاد کشمیر کو ہر لحاظ سے ایک ماڈل سٹیٹ بنائیں گے۔