وزیر اعظم آزاد کشمیر کی حالیہ بارش اور برفباری کے دوران ایس ڈی ایم، انتظامیہ، محکمہ شاہرات و دیگر متعلقین کو الرٹ رہنے کی ہدایت

ہفتہ 22 جنوری 2022 22:30

مظفرآباد (اُردو پوائنٹ اخبارتازہ ترین - این این آئی۔ 22 جنوری2022ء) وزیر اعظم آزاد کشمیر سردار عبدالقیوم نیازی نے حالیہ بارش اور برفباری کے دوران ایس ڈی ایم، انتظامیہ، محکمہ شاہرات و دیگر متعلقین کو الرٹ رہنے کی ہدایت کی ہے ۔ وزیر اعظم آزاد کشمیر کی ہدایت پر سٹیٹ ڈیزاسٹرمینجمنٹ اتھارٹی موسمی صورتحال کے پیش نظر تمام اداروں سے رابطے میں ہے ۔

موسمی صورتحال کے تناظر میں SDMA اور تمام اضلاع کے ایمرجنسی آپریشن سینٹر مکمل فعال ہیں۔

(جاری ہے)

داخلی راستوں پر سیاحوں کے لئے ٹوریسٹ پولیس کے خصوصی ڈیسک قائم کر دیے گئے ہیں۔محکمہ شاہرات برف باری سے سے بند ہونے والی رابطہ سڑکوں کو بحال کرنے کے لئے مسلسل کوشاں ہے ۔موسمی صورتحال کو مد نظر رکھتے ہوئے عوام الناس سے گزارش ہے غیر ضروری سفر سے گریز کریں۔ ایس ڈی ایم اے کے ترجمان کے مطابق کسی بھی ایمرجنسی کی صورت میں اسیٹ ڈیزاسٹر مینجمنٹ اتھارٹی کے قائم کردہ ایمرجنسی آپریشن سینٹر کے نمبر 05822921643 ضلعی انتظامیہ اور ٹول فری نمبر رسکیو 1122 سے رابطہ کریں۔