وفاقی وزیر بحری امورعلی زیدی نے آئین کے آرٹیکل 140A کا حصہ ٹوئیٹ کردیا

زرداری مافیا کا بلدیاتی بل آئین کی روح کے بالکل برعکس ہے،یہ مافیا ہر چیز پر قابض ہونا چاہتے ہیں۔اس مافیا نے 14 سال سے سندھ میں لوٹ مار کے سوا کچھ نہیں کیا: علی زیدی

ہفتہ 29 جنوری 2022 00:33

کراچی(اُردو پوائنٹ اخبارتازہ ترین - آن لائن۔ 28 جنوری2022ء) پاکستان تحریک انصاف سندھ کے صدر و وفاقی وزیر بحری امورعلی زیدی نے آئین کے آرٹیکل 140A کا حصہ ٹوئیٹ کردیا۔علی زیدی نے کہا کہ زرداری مافیا کا بلدیاتی بل آئین کی روح کے بالکل برعکس ہے،یہ مافیا ہر چیز پر قابض ہونا چاہتے ہیں۔اس مافیا نے 14 سال سے سندھ میں لوٹ مار کے سوا کچھ نہیں کیا۔ علی زیدی نے کہا کہ جماعت اسلامی کو زرداری مافیا نے دھوکا دیا ہے۔

یہی وعدے وزیر اعلیٰ نے کراچی ٹرانسفارمیشن پلان کے دوران ہونے والی میٹنگز میں سب کے سامنے کیے تھے۔

(جاری ہے)

جب وزیر اعلیٰ سے سوال کیا گیا کہ وہ وعدے کب پورا کریں گے تو انہوں نے تاریخ دینے سے انکار اور بدتمیزی کی۔علی زیدی نے کہا کہ جب مراد علی شاہ نے ایک سال تک اپنا وعدہ پورا نہیں کیا تو میں سی ایم ہاؤس میں میٹنگ سے واک آؤٹ کر گیا تھا۔ اب انہوں نے اپنے وعدے پر عمل کرنے کی بجائے کالا قانون متعارف کرادیا۔علی زیدی نے کہا کہ سندھ کے لوگ جانتے ہیں کہ زرداری مافیا نے لوٹ مار کے سوا کچھ نہیں کیا۔اب ان کا وقت پورا ہو چکا ہے۔وفاق اب سندھ حکومت کو پولیس کو اپنی ذاتی ملیشیا کے طور پر استعمال نہیں کرنے دے گا۔ علی زیدی نے کہا کہ ہم 27 فروری کو ہر صورت گھوٹکی سے کراچی مارچ کریں گے۔