Live Updates

عمران خان سے ٹک ٹاکرز کی ملاقات 15یا 20 منٹ تک رہی، ملک عثمان

اس حوالے سے کچھ کہنا قبل از وقت ہوگا کہ پی ٹی آئی چیئرمین کا ٹک ٹاکرز سے ملنے کا کیا مقصد تھا، ٹک ٹاکر

منگل 21 جون 2022 17:20

اسلام آباد (اُردو پوائنٹ اخبارتازہ ترین - این این آئی۔ 21 جون2022ء) چیئرمین پی ٹی آئی عمران خان نے حال ہی میں ٹک ٹاک سٹار سے ملاقات کی ،اس ملاقات نے سوشل میڈیا پر بھی کافی تہلکہ مچایا ہوا تھا۔عمران خان سے ملاقات کرنیوالے ٹک ٹاکرز میں ملک عثمان بھی شامل تھے، جو اپنے منفرد اسٹائل میں ویڈیوز بنانے کی وجہ سے پاکستان میں ٹک ٹاک کی جان سمجھے جاتے ہیں۔

(جاری ہے)

ٹک ٹاکر ملک عثمان نے نجی ٹی وی سے گفتگو کرتے ہوئے بتایا کہ عمران خان سے ہماری محض 15یا 20 منٹ کی ملاقات رہی لیکن اس حوالے سے کچھ بھی کہنا قبل از وقت ہوگا کہ پی ٹی آئی چیئرمین کا ٹک ٹاکرز سے ملنے کا کیا مقصد تھا۔ملک عثمان کے مطابق اس مختصر ملاقات میں پہلے سب نے اپنا تعارف کروایا اس کے بعد ہم سب کو سوالات پوچھنے کا موقع دیا گیا۔ ملک عثمان نے کہا کہ میں سمجھتا ہوں ٹک ٹاک سیاسی طور پرموثر ثابت ہوسکتا ہے کیونکہ ٹوئٹر تک ہر شخص کی رسائی نہیں ہے لیکن ٹک ٹاک ہر عام آدمی کے پاس موجود ہے، ہم کوئی بھی ویڈیو بنائیں وہ ہر شخص تک جاتی ہے۔