براڈ شیٹ کیس میں نیب افسران ایف آئی اے کے سامنے پیش ہوں گی: چیئرمین نیب کا اعلان

براڈ شیٹ کا کیس 2010 میں رجسٹرڈ ہوا، براڈ شیٹ کیس میں 3.7 ملین ڈالر کی رقم ہے، ٓفتاب سلطان

منگل 23 اگست 2022 22:39

براڈ شیٹ کیس میں نیب افسران ایف آئی اے کے سامنے پیش ہوں گی: چیئرمین ..

اسلام آباد (اُردو پوائنٹ اخبارتازہ ترین - این این آئی۔ 23 اگست2022ء) قومی احتساب بیورو (نیب) کے چیئرمین آفتاب سلطان نے کہا ہے کہ براڈ شیٹ کیس میں نیب افسران ایف آئی اے کے سامنے پیش ہوں گے۔پارلیمنٹ کی پبلک اکاؤنٹس کمیٹی کا اجلاس چیئرمین نورعالم خان کی زیرصدارت ہوا جس میں نئے چیئرمین نیب آفتاب سلطان نے بھی شرکت کی۔

(جاری ہے)

اجلاس میں آفتاب سلطان کے مطابق براڈ شیٹ کا کیس 2010 میں رجسٹرڈ ہوا، براڈ شیٹ کیس میں 3.7 ملین ڈالر کی رقم ہے، اپریل 2021 میں براڈ شیٹ کیس ایف آئی اے کو بھیجا گیا۔

ایف آئے حکام کا کہنا تھاکہ نیب نے ایف آئی اے کے سامنے پیش ہونے سے انکار کر دیا تھا اور کہا کہ کیس کی تحقیقات ایف آئی اے کے دائرہ اختیار میں نہیں، دائرہ اختیار کی بات کے بعد اس کیس میں پیشرفت رک گئی۔چیئرمین نیب کے مطابق میں اس کیس میں ایف آئی سے ہونے والی خط و کتابت واپس لیتا ہوں، براڈ شیٹ کیس میں نیب افسران ایف آئی اے کے سامنے پیش ہوں گے۔