عام انتخابا ت میں پی ٹی آئی دو تہائی اکثریت سے جیتے گی ‘چوہدر ی اورنگز یب

عوام عمران خان اور پی ٹی آئی کے بھرپورحامی ،برسر اقتدار دیکھنا چاہتے ہیں

منگل 15 نومبر 2022 10:45

لاہور(اُردو پوائنٹ اخبارتازہ ترین - این این آئی۔ 15 نومبر2022ء) پاکستان تحریک انصاف کے این اے 137 سے ٹکٹ ہو لڈرچوہدر ی اورنگز یب نے کہا ہے کہ عام انتخابا ت میں پی ٹی آئی دو تہائی اکثریت سے جیتے گی،حقیقی آزادی مارچ ملکی سیاسی نظام میں کرپشن اور بیرونی مداخلت کے خلاف تاریخ ساز جدوجہد ہے،پاکستان کے عوام عمران خان اور پی ٹی آئی کے بھرپورحامی ہیںاور اسے برسر اقتدار دیکھنا چاہتے ہیں ۔

(جاری ہے)

ان خیالا ت کااظہارانہو ں نے پی ٹی آئی اوکاڑہ کے وفد سے گفتگو کر تے ہو ئے کیا ۔ انہو ں نے کہاکہ ملک سے محبت کرنے والے عوام عمران خان کواپنا ہیرو اور رول ماڈل سمجھتے ہیں،جن کے کاروبار، اثاثے ، پیسہ اور خاندان ملک سے باہر ہیں انہیں ملک کی کوئی فکر نہیں ، پی ٹی آئی نے قوم کو تبدیلی کا جو خواب دکھایا اس کی تعبیر کا وقت قریب ہے پاکستان جلد امپورٹڈ حکمرانوں کے تسلط سے آزاد ہوکر حقیقی معنوں میں ایک آزاد اور خود مختار ریاست کے طور پر اپنا وجود منوائے گا اور عمران خان کی قیادت میں ترقی و خوشحالی کی منزل حاصل کی جائے گی۔